Oŋtüstıkte 22 jastaǧy tūrǧynǧa qyzǧaldaq tergenı üşın million teŋgege juyq aiyppūl salynuy mümkın, dep habarlaidy “Adyrna” tılşısı.
Būl turaly Türkıstan oblystyq PD mälımdedı.
Türkıstan oblysy Ordabasy audanynyŋ 22 jastaǧy tūrǧyny Qyzyl kıtapqa engen jäne zaŋmen qorǧalǧan qyzǧaldaqty tergen.
Student-qyz joǧalyp ketu qaupı tönıp tūrǧan Greig qyzǧaldaqtaryn tergen sätın videoǧa tüsırıp, jelıge jüktegen.
"Ol Ūialyjar auyldyq okrugınde ornalasqan dalada Qyzyl kıtapqa engen gülderdı jūlyp, videoǧa tüsırıp, öz paraqşasyna jariialady. Sirek kezdesetın jäne qūryp ketu qaupı bar ösımdık türlerın alu deregı polisiia bölımınde tırkelgen. Barlyq män-jaiy anyqtalyp jatyr", - dedı oblystyq PD baspasöz qyzmetı.Eske sala ketkiık, töbeşıktıŋ körkıne ainalǧan qyzǧaldaq Qyzyl kıtapqa engen ösımdık. Ösımdıktı jūlǧan jaǧdaida zaŋda aiyppūl qarastyrylǧan.
