Ońtústikte 22 jastaǵy turǵynǵa qyzǵaldaq tergeni úshin mıllıon teńgege jýyq aıyppul salynýy múmkin, dep habarlaıdy “Adyrna” tilshisi.
Bul týraly Túrkistan oblystyq PD málimdedi.
Túrkistan oblysy Ordabasy aýdanynyń 22 jastaǵy turǵyny Qyzyl kitapqa engen jáne zańmen qorǵalǵan qyzǵaldaqty tergen.
Stýdent-qyz joǵalyp ketý qaýpi tónip turǵan Greıg qyzǵaldaqtaryn tergen sátin vıdeoǵa túsirip, jelige júktegen.
"Ol Uıalyjar aýyldyq okrýginde ornalasqan dalada Qyzyl kitapqa engen gúlderdi julyp, vıdeoǵa túsirip, óz paraqshasyna jarııalady. Sırek kezdesetin jáne quryp ketý qaýpi bar ósimdik túrlerin alý deregi polıııa bóliminde tirkelgen. Barlyq mán-jaıy anyqtalyp jatyr", - dedi oblystyq PD baspasóz qyzmeti.
Eske sala ketkıik, tóbeshiktiń kórkine aınalǵan qyzǵaldaq Qyzyl kitapqa engen ósimdik. Ósimdikti julǵan jaǵdaıda zańda aıyppul qarastyrylǵan.
