Almaty äkımdıgı qala tūrǧyndary men qonaqtaryn gülzarlarǧa kırmeuge jäne ösımdıkterdı zaqymdamauǧa şaqyrdy, dep habarlaidy "Adyrna" ūlttyq portaly.
Jelıde güldermen tüsken ädemı fotolardan bölek tūrǧyndardyŋ sättı selfi jasau üşın gülderdı qalai talap, taptaityny körsetılgen beineler taraǧan. Sol sebeptı äkımdık gülzardaǧy suret üşın aiyppūl salmaq.
Almaty ekologiia jäne qorşaǧan ortany qorǧau basqarmasynyŋ mälımetınşe, Esentai özenınıŋ boiynda jaiqalyp ösıp tūrǧan qyzǧaldaqtar küzde egılgen. Aua raiy qolaily bolǧan kezde gülder säuırdıŋ ortasynan mamyrǧa deiın güldeidı eken.
“Äleumettık jelılerde tırkelgen faktılerge bailanysty departament Almaty tūrǧyndary men qonaqtaryn sändık güldı kögaldandyruǧa jäne qoǧamdyq oryndarǧa qamqorlyq jasauǧa şaqyrady”, – dep habarlady Almaty äkımdıgı.Qoldanystaǧy zaŋnamaǧa säikes abattandyru erejelerın būzǧany üşın äkımşılık jauapkerşılık qarastyrylǧanyn eske salady. Demek, jeke tūlǧalarǧa eskertu nemese 20 AEK (teŋgemen eseptegende 73 840 teŋge), şaǧyn käsıpkerlık subektılerıne 30 AEK (110 760 teŋge), orta käsıpkerlık subektılerı üşın 40 AEK (147 680 teŋge), ırı käsıporyndar üşın 100 AEK (369 200 teŋge) aiyppūl salynatyny belgılı boldy. Aita keteiık, ötken aida Türkıstan oblysyndaǧy Ordabasy audanynda student qyzdyŋ Greig qyzǧaldaqtaryn jūlyp, suretke tüskenı üşın million teŋgeden astam aiyppūl arqalauy mümkın ekenın jazǧan bolatynbyz.
