Elımızdıŋ Prezidentı Qasym-Jomart Toqaevtyŋ «Ädılettı memleket. Bırtūtas ūlt. Berekelı qoǧam» atty Qazaqstan halqyna Joldauyn ıske asyrudaǧy qalalyq ardagerler keŋesınıŋ mındetterı turaly», «Äuezov audandyq ardagerler keŋesınıŋ «Amanat» partiiasy qalalyq filialymen bırlesken jūmysy turaly» mäseleler qaraldy, sonymen qatar Qalalyq ardagerler keŋesı Prezidiumynyŋ Ündeuı qabyldandy.
QR Prezidentınıŋ Joldauyn jüzege asyru şaralary turaly baiandamasynda:
«Biylǧy Joldau azamattardyŋ ömır süru deŋgeiın arttyruǧa baǧyttalǧan. Eŋ tömengı bazalyq zeinetaqy mölşerlemesın eŋ tömengı künkörıs deŋgeiınıŋ 70%-ǧa, eŋ joǧary deŋgeiın 120%-ǧa deiın ösıru siiaqty şaralar, sondai-aq Memleket basşysynyŋ otbasyn qoldauǧa baǧyttalǧan jaŋa «Ūlttyq qor - balalarǧa» baǧdarlamasyn daiyndau turaly bastamasy qala ardagerler qauymynyŋ maqūldauy men qoldauyna ie boldy», – dedı qalalyq Ardagerler keŋesınıŋ töraǧasy Ahan Bijanov.Almaty qalalyq ardagerler keŋesı prezidiumynyŋ müşelerı 230 myŋ ardagerdıŋ atynan qazaqstandyqtar men qala tūrǧyndaryna Respublika Prezidentınıŋ Qazaqstandaǧy qaita qūru prosesınıŋ maŋyzdy kezeŋıne ainalatyn bastamalaryn jäne aldaǧy kezekten tys sailaudy qoldau turaly ündeu joldauǧa bırauyzdan şeşım qabyldady. «Amanat» partiiasy Äuezov audandyq filialynyŋ jauapty hatşysy N. Ordabaeva, Jetısu audandyq ardagerler keŋesınıŋ töraiymy T.Şäkırova söz söiledı.
Ūqsas jaŋalyqtar
