Almatynyŋ arnaiy ekonomikalyq aimaǧyna 50 mlrd teŋgeden astam investisiia tartyldy

Almatyda «İTP» AEA käsıporynynda 6,7 myŋnan astam jūmys orny aşyldy. Alatau şaǧynaudanyndaǧy «İnnovasiialyq tehnologiialar parkı» arnaiy ekonomikalyq aimaǧy qūrylǧan sätten bastap 6 727 jūmys ornyn qūryldy, 50,69 mlrd teŋge investisiia tartyldy, 34,7 mlrd. Teŋgenıŋ salyq jäne biudjetke tölenetın basqa da tölemder tölendı, 493,7 mlrd teŋgenıŋ önımı öndırılıp, qyzmetter körsetıldı, eksport kölemı 7,46 mlrd teŋgege jettı, dep habarlaidy «Adyrna» tılşısı Almaty.tv-ǧa sılteme jasap. Bügınde «İTP» AEA rezidentterı 160 kompaniia, onyŋ ışınde baǧdarlamalyq qamtamasyz etudı äzırleu salasyndaǧy 105 kompaniia qyzmetın «eksaumaqtyq» qaǧidaty boiynşa jüzege asyrady, 55 kompaniia «İTP» AEA aumaǧynda ornalasqan. 2023 jyly «İTP» AEA-ǧa 15 mlrd teŋge kölemınde investisiia tartylyp, 1200 jūmys orny aşylyp, 39 kompaniia jaŋa qatysuşy retınde qabyldandy, jobalardy ıske asyru üşın audany 15 ga 7 jer telımı bölındı. «İTP» AEA Almaty qalasynyŋ Medeu audanynda 163 ga aumaqta ornalasqan. Memleket barlyq injenerlık-kommunaldyq infraqūrylymnyŋ, sonymen qatar, bırınşı kezektegı ǧimarattardyŋ, äkımşılık ǧimarattyŋ qūrylysyn jüzege asyrdy. «İTP» AEA qatysuşylaryna salyq jäne kedendık jüktemenı tömendetude türlı artyqşylyqtar men jeŋıldıkter berıledı. «İTP» AEA aumaǧyndaǧy negızgı basym qyzmet türlerı IT, telekommunikasiia jäne bailanys, elektronika, jaŋartylatyn energiia közderı, resurstardy ünemdeu jäne tabiǧatty tiımdı paidalanu, sonymen bırge, 2020 jyldan bastap farmasevtika jäne medisinalyq būiymdar kırdı.