Qasym-Jomart Toqaev pen Vladımır Pýtın búgin, 9 qarashada Qostanaıda ótken Qazaqstan men Reseıdiń XIX óńiraralyq yntymaqtastyq forýmyna beınebaılanys rejıminde qatysty. Is-shara barysynda eki el basshylary Qazaqstan men Reseıdiń saýda aınalymyn eki túrli jarııalady.
Reseı basshysy «aımaqtyq yntymaqtastyqtyń áserli sharttyq-quqyqtyq bazasy únemi damyp, keńeıip jatqanyna, onyń ishinde eki eldiń óńirlik úkimetteri arasyndaǵy 60-tan astam kelisimge» nazar aýdardy.
Meniń bilýimshe, osy forým nátıjesinde qol qoıýǵa jańa kelisimder men memorandýmdardyń, sondaı-aq jalpy somasy 100 mıllıon dollarǵa jýyq kommerııalyq kelisimsharttardyń tutas serııasy daıyndaldy, - dedi Pýtın.
Onyń aıtýynsha, «bul reseılik-qazaqstandyq ekonomıkalyq baılanystardyń qanshalyqty tabysty damyp kele jatqanyn aıqyn kórsetedi».
Osyǵan oraı, óńirlerdiń tikeleı belsendi qatysýymen 2022 jyly Qazaqstanmen ózara taýar aınalymy 10 paıyzdan astamǵa artqanyn erekshe atap ótkim keledi.
Bizdiń statıstıkamyz – 28,2 mıllıard dollar. Bıylǵy jyldyń qańtar-tamyz aılarynda kontrsaýda taǵy jeti paıyzǵa ósti. Sonymen birge eksport-ımport operaııalarynda ulttyq valıýtalardy paıdalaný aıtarlyqtaı keńeıdi, dedi Pýtın.
Al Qasym-Jomart Toqaev taýar aınalymyn Reseıden 1,2 mıllıard kem aıtty.
Reseı Qazaqstannyń iri saýda-ekonomıkalyq seriktesi mártebesin senimdi túrde saqtap keledi. Sońǵy úsh jylda elderimiz arasyndaǵy ózara saýda kólemi 30 paıyzdan astam ósti. Byltyr taýar aınalymy, Qazaqstan statıstıkasy boıynsha, 27 mıllıard dollardy qurady. Bul – rekordtyq kórsetkish. Bıyl da oń dınamıka saqtalyp otyr. Segiz aıdyń qorytyndysy boıynsha saýda-sattyq kólemi 17 mıllıard dollarǵa jetti. Jalpy, ózara taýar aınalymyn odan ári arttyrý úshin zor múmkindik bar. Osy oraıda eki eldiń isker toptary arasyndaǵy baılanystardyń aıtarlyqtaı jandanǵany baıqalady. Reseılik kompanııalar Qazaqstan ekonomıkasyndaǵy jetekshi ınvestorlardyń bestigine kiredi. Olar jalpy 20 mıllıard dollardan astam ınvestıııa saldy. Osy jyldyń birinshi jartyjyldyǵynda ǵana Qazaqstan ekonomıkasyna tartylǵan reseılik ınvestıııa kólemi bir mıllıard dollardan asty. Bul ótken jylǵy deńgeıden 20 paıyzǵa kóp. Óz kezeginde Qazaqstannyń Reseıge salǵan ınvestıııasynyń kólemi 6 mıllıard dollarǵa jetti. Bul ekijaqty proess ekeni qýantady», – dedi Memleket basshysy.
Pýtınniń sózinde forým ótip jatqan Qostanaıda eki eldiń 30-dan astam óńiriniń ókilderi jınalyp, kúndelikti tájirıbelik aspektilermen aınalysatyny aıtyldy.
Sondaı-aq, Reseı Prezıdenti «Qazirgi tańda Reseı Federaııasynyń 76 oblysy qazaqstandyq oblystarmen tikeleı áriptestik baılanys ornatqanyn» atap ótti.
