Qazaqstan prezıdenti Qasym-Jomart Toqaev Bolat Nazarbaevtyń qaıtys bolýyna baılanysty jaqyndaryna kóńil aıtty. Bul týraly prezıdenttiń baspasóz hatshysy Berik Ýálı málimdedi, dep habarlaıdy “Adyrna” ulttyq portaly.
Qasym-Jomart Toqaev tuńǵysh prezıdent Nursultan Nazarbaevqa inisi Bolat Nazarbaevtyń dúnıeden ótýine baılanysty kóńil aıtty. Memleket basshysy jerleý rásimine qatyspaıdy, - dedi Berik Ýálı.
Búgin 71 jasqa qaraǵan shaǵynda sozylmaly aýrýdyń saldarynan Nursultan Nazarbaevtyń týǵan inisi Bolat Nazarbaev dúnıeden ozdy.
Almatydaǵy Ortalyq klınıkalyq aýrýhana bul aqparatty rastady. Dárigerlerdiń aıtýynsha, Bolat Nazarbaev 13 qarashada saǵat 09.51-de qaıtys bolǵan.
