Qyzylordalyq memlekettık qyzmetkerler belgısız akkauntqa jalaŋaş fotolaryn jıberıp, bopsalauǧa ūşyraǧannan keiın sotqa aryzdanǧan, dep jazady "Adyrna" portaly. Būl turaly abdulla.kz paraqşasynda aityldy.
Sottyŋ mälımetınşe, alaiaqtar äleumettık jelıdegı avatarlaryna sūlu qyzdardyŋ suretterın qoiyp, jalǧan paraqşalar aşqan. Sonan soŋ sol qyzdyŋ atynan er adamdarmen äŋgıme-düken qūrǧan. Uaqyt öte kele alaiaqtar jalaŋaş suretter jıberıp, şeneunıkterden de suret jıberuın sūraǧan.
Keiın būl ıske bandanyŋ basqa müşelerı qosylǧan, olardyŋ mındetı aqşa bopsalau bolǧan. Olar şeneunıkterdıŋ suretın köpşılıkke jariia etemız dep qorqytyp, kartasyna aqşa audarudy talap etken.
Osylaişa Qyzylorda oblysynda 12 memlekettık qyzmetker alaiaqtardyŋ qūrbany boldy.
Tergeuden keiın 11 jäbırlenuşı aqşasyn qaitaryp alǧany belgılı boldy: olar özge azamattyq talap qoiudan bas tartty. Jalǧyz B. esımdı jäbırlenuşı kerı qaitarylǧan 500 myŋ teŋgenı almai, bopsalauşylardy sotqa beruge şeşım qabyldady.
Sot otyrysynda sottaluşylardyŋ kınäsı däleldendı, alaiaqtar kınäsın moiyndady.
Üş sottaluşyǧa qatysty sot ükımı şyǧyp, olar Qazaqstan Respublikasy Qylmystyq kodeksınıŋ 194-babynyŋ 2-bölıgınıŋ 2 jäne 3-tarmaqtarymen kınälı dep tanyldy.
Olardyŋ ärqaisysyna 3 jyl 6 ai merzımge bas bostandyǧyn şekteu, sondai-aq ükımdı oryndau kezınde jylyna 100 saǧat mäjbürlı jūmysqa tartu jazasy taǧaiyndaldy. Sottaluşylardan 500 000 teŋge kölemındegı zalal bırlesıp öndırıldı. Ükım zaŋdy küşıne endı.
Ūqsas jaŋalyqtar
