Qazaqstanda aýmaǵynda Starlink-ti jeke maqsatta paıdalaný zańsyz. Bul týraly ıfrlyq damý, ınnovaııalar jáne aeroǵarysh ónerkásibi mınıstrligi Telekommýnıkaııalar komıtetiniń baılanys salasyndaǵy baqylaý basqarmasynyń basshysy Dıas Tólegenov málimdedi, dep habarlaıdy «Adyrna» ulttyq portaly.
Mınıstrlikte ótken brıfıngte jýrnalıster Qazaqstandyqtardyń Starlink ınternetin paıdalaný máselesin kóterdi. Nátıjesinde, bul zańsyz ekeni anyqtaldy.
«Bul másele boıynsha, men mundaı adamdardy kezdestirip júrmin (úılerinde Starlink ornatqan, shamamen). Osyǵan baılanysty tıisti organdar anyqtaý jáne túsindirý jumystaryn júrgizedi. Sebebi ony qazirgi ýaqytta aǵymdaǵy nusqada paıdalaný – qoldanystaǵy zańnamany buzady, óıtkeni ol qaýipsizdik talaptaryna sáıkes kelmeıdi», - dedi Dıas Tólegenov.
Ol pılottyq joba sheńberinde tehnıkalyq jumystar aıaqtalǵanǵa deıin jáne zańnamaǵa tıisti ózgerister engizilgenge deıin «bul zańsyz bolady» dep atap kórsetti.
Osylaısha, Starlink-ten ınternetti paıdalanǵany jáne taratqany úshin qazaqstandyqtarǵa aıyppul salynýy múmkin.
«Eger ol satyp alsa da, ózgerister engizilgennen keıin ony qoldana alady. Jeke tulǵalar úshin ózgerister engizilgenge deıin birinshi ret - eskertý, al keıin - 10 AEK aıyppul (2023 jyly 34 500 teńge-shamamen.)», - dedi Tólegenov.
Bundaı zańbuzýshylyq faktilerinde qazaqstandyqtardy qalaı tekserip, anyqtaıtyny jaıynda spıker naqtylamady.
Esterińizge sala keteıik, Qazaqstan aýyldardy ınternetpen qamtamasyz etý úshin Ilon Masktyń SpaceX ǵarysh kompanııasyna júginýge májbúr boldy. Quny bir orynǵa aıyna $200 quraıdy.
«Adyrna» ulttyq portaly
