Mańǵystaý oblysynda áıel adam turǵyndardy 3 mlrd teńgege aldap ketken, dep habarlaıdy "Adyrna" tilshisi mangystaumedia.kz-ke siltep.
Mańǵystaý oblystyq polıııa bólimshesine 250-ge jýyq aryz túsken. Turǵyndar arbaý jolymen eldiń aqshasyn jınap alǵan áıelge shaǵymdanǵan.
Nurgúl esimdi kelinshek kópshilikke Qytaıdan tómen baǵamen ydys-aıaqtar jetkizip berýge ýáde bergen. Alaıda báriniń aqshasyn alyp, qyz-kelinshekterdi sazǵa otyrǵyzǵan.
Ol óz josparyn júzege asyrý maqsatynda Whatsapp jelisinde top ashyp, Qytaıdan tómen baǵadan ydys-aıaq jetkizetinin aıtqan. Keltirilgen materıaldyq shyǵyn kólemi 3 mlrd teńgeni quraıdy.
"Bul derek boıynsha qylmystyq kodekstiń 190-baby 4-bóliginiń "asa iri mólsherdegi alaıaqtyq" boıynsha sotqa deıingi tergep-tekserýdiń biryńǵaı tiziliminde tirkeldi. Qazir 39 jastaǵy áıel qamaýda alynyp, tergeý júrgizilip jatyr", - dedi Mańǵystaý oblysy polıııa departamentiniń baspasóz qyzmeti.
