Qytaı qazaqstandyq astyqty qabyldaýdan bas tartty, dep habarlaıdy "Adyrna" ulttyq portaly.
Úkimet munyń Sınzıan-Uıǵyr avtonomııalyq aýdany ákimshiliginiń sanıtarlyq -epıdemıologııalyq sharalardy kúsheıtýine baılanysty ekenin aıtty.
Alaıda astyq ósirýshiler odaǵy bul máseleni eger shyn qalasa sheshýge bolady dep esepteıdi.
- Olarǵa Qazaqstan arqyly ótetin tranzıttik jol qajet. Al biz ony vagondarmen, konteınerlermen toltyramyz. Olar: «Sizderde koronavırýs», - deıdi. Olar odan qorqady degen boljam bar. Biraq bul jalǵyz sebep emes, shyn máninde, sebep basqa - biz olardyń qozǵalysyn bizdiń tranzıtpen jabamyz. Olar tranzıtti ulǵaıtý kerek. Qazir tasymaldaýda óte kúrdeli problemalarǵa tap boldy.
Bizdiń vagondar olarǵa kedergi jáne bul bizdiń sheneýnikterdiń jaýapsyzdyǵy, olar sońǵy ret mashınalardy qaıtarǵanda eshteńe isteı almady jáne bul jaǵdaı taǵy qaıtalanýda. Bul ózara qarym-qatynas prınıpi bolǵanǵa deıin jalǵasady: "siz bizdiń kólikterdi ótkizbeńiz, biz sizderdikin ótkizbeımiz" degendeı. Ol úshin sizge kúsh pen erik jiger qajet, - dedi «Qazaqstannyń astyq odaǵy» ZTB resmı ókili Evgenıı Karabanov.
Aýyl sharýashylyǵy mınıstrliginiń málimetinshe, Qazaqstanda astyqtyń barlyq derlik bóligi jınaldy.
"Adyrna" ulttyq portaly
