Qytai azamattarynyŋ elge vizasyz keluıne bailanysty daudan qorqudyŋ qajetı joq. Būl turaly IIM Köşı-qon komitetı qyzmetınıŋ erekşe tapsyrmalar jönındegı aǧa inspektory Altynbek Masaqbaev Massaget.kz tılşısıne ekskliuziv sūhbat berdı.
"Qazır Qazaqstan Respublikasyna 79 eldıŋ azamaty vizasyz kıre alady. Onyŋ 57-ı ekonomikalyq damyǧan memleketter, Europa memleketterı, AQŞ. Būl memleketter azamamattary 30 künge deiın elımızge vizasyz kıre alady. İran, Qytai, Ündıstan memleketterı 14 künge deiın vizalyq talaptardan bosatylǧan. Odan basqa, Euraziialyq ekonomika odaq müşelerı bar: Resei, Belarus, Armeniia, Qyrǧystan memleketterı. Olar uaqytşa tūruǧa rūqsat almai-aq 90 kün jüre alady. Qazır jyl basynan bastap elımızge 2 millionnan asa şetel azamaty kırgen, 2 jarym million şetel azamaty elden şyqqan", - dedı ol.Onyŋ aituynşa, şekara qyzmetkerlerı IIM aqparattyq jüiesıne elge kırgen şetel azamattary turaly aqparat jıberedı.
"Şetel azamaty elge kırgen künnen bastap şekara qyzmetkerlerı IIM aqparattyq jüiesıne kırgen jaily mälımetterdı jıberıp otyrady. Odan basqa, qabyldauşy tarap degen bar. Olar özderıne kırgen şetel azamataryn IIM aqparatyq jüiesıne habarlap otyrady. Ol - eQonaq portaly, Vizalyq-migrasiondyq platformasy arqyly habarlamalar jıberıp otyrady", - dedı inspektor.Altynbek Masaqbaev jyl basynan berı köşı-qon zaŋnamasyn būzǧan 12 myŋ şetel azamaty tırkelgennın aitty.
"Qabyldauşy tarap - elımızdıŋ azamattary, jūmys beruşı. Olar der kezınde habarlap tūrsa, onda zaŋ būzylmaidy. Jyl basynan berı köşı-qon zaŋnamasyn būzǧan 12 myŋ şetel azamaty tırkeldı. Onyŋ köbı - jaqyn şetel azamattary. Olar uaqytynda habaralama bermegen, uaqytşa tırkeudı sozdyrmaǧan jäne jergılıktı atqaruşy organdardan rūqsat almai, jūmys küşın paidalanǧan", - dedı ol.Sondai-aq, ol Qytai azamattarynyŋ elge vizasyz keluıne bailanysty pıkır bıldırdı.
"Qytai azamattarynyŋ elge vizasyz keluıne bailanysty daudan qorqudyŋ qajetı joq. Sebebı bärı IIM baqylauynda. Şekaradan ötken künnen bastap qabyldauşy tarap uaqytyly habarlama berıp tūrady. Jyl basynan berı 12 myŋ zaŋ būzǧan şetel azamattarynan QHR-dıŋ 205-ı ǧana bar. Ol - 1 paiyz. Köbı - jūmys sapary, mädeni ıs-şaralarǧa qatysuǧa keletın azamattar ", - dedı ol.Altynbek Masaqbaev zaŋ būzǧan şetel azamattaryna qatysty qandai şara qoldanylatynyn aitty.
"Zaŋ būzǧan şetel azamattaryna 10 künge deiın IIM äkımşılık hattama toltyrylady. Bırınşı 3 kündei eskertu berıledı, keiın aiyppūl salynady. 10 jūmys künınen assa, äkımşılık sotqa joldanady. Onda 2 türlı şeşım bolady. 25 ailyq körsetkış esebınde aiyppūl nemese QR aumaǧynan 5 jylǧa deiın şyǧaru, basqa zaŋbūzuşylyqtar anyqtalǧanda QR aumaǧyna kıruge şekteu qoiylady", - dedı ol.
Ūqsas jaŋalyqtar
