Birikken Ulttar Uıymynyń bas hatshysy Antonıý Gýterrısh sońǵy 24 saǵatta Gaza sektoryndaǵy BUU-nyń palestınalyq bosqyndarǵa kómek kórsetý jáne jumys jónindegi agenttiginiń (UNRWA) eki mektebine jasalǵan shabýyldan qatty shoshynǵanyn aıtty, dep habarlaıdy «Adyrna» ulttyq portaly.
Gýterrısh myńdaǵan palestınalyqtardyń BUU nysandaryn panalaǵanyn eske salyp:
«Bizdiń nysandarǵa qol suǵylmaıdy, men ony rastaımyn», - dedi ol
Bas hatshy BUU nysandaryn panalaǵan ondaǵan adamnyń, sonyń ishinde balalar men áıelderdiń qaza tapqanyn jáne jaralanǵanyn atap ótti.
«Soǵys kún saıyn beıbit turǵyndar, sonyń ishinde áıelder men balalar arasynda orynsyz qurbandyqtarǵa ákeledi. Muny qazir dereý toqtatý kerek », - dedi Gýterrısh.
Ol taǵy da Palestına eksklavynda gýmanıtarlyq kelisimge shaqyrýyn qaıtalady.
Sondaı-aq Gýterrısh Katar Úkimetine deldaldyq bastamalary úshin alǵys bildirdi.
