Oljas ÁBIL: Aýǵanstanda AQSh-tyń ornyn Ankara basýy múmkin

4981
Adyrna.kz Telegram

Jaqyndaǵy Taıaý Shyǵysta bolǵan Palestına - Izraıl janjaly kezinde Rejep Taıyp Erdoǵannyń qulaq tundyrǵan úni kókke ushyp jańǵyryp ketken soń, kúlli álem resmı Ankaranyń búgingi ıslam áleminiń joqtaýshysy ekenin túsingendeı boldy.

Ony Vashıngton da moıyndady.
Amerıkanyń Aýǵanstandaǵy áskerı bazalaryn qazir túrikter almastyryp jatyr. Qysqasy Baıden men Erdoǵan til tabysty.
Baıden Túrkııasyz bul aımaqta eshteńe isteı almaıtynyn ańǵarǵandaı boldy.
Ýkraına qazir Ankarany basty odaqtasy retinde qarastyryp jatyr. Olar da bultalaqtaǵan Eýropadan sharshaǵan bolýy kerek. "i- ii, bylaı ǵoı.... Bizde Qyrymda, sizderdiń baýyrlaryńyz qyrym tatarlary bar edi"...

Grýzııa da Ankaraǵa umtyldy. Eki eldiń syrtqy ister jónindegi mınıstirleri kezdesip ortaq máseleler talqylap úlgerdi. Resmı Tbılısı de aımaqqa jańa derzkıı oıynshy kirip jatqanyn keremet túsindi.
Erdoǵan ótkende Shýshaǵa keldi. Keldi de is júzinde Ázirbaıjandy NATO ǵa qosqandaı boldy.
"Sender úshin turyp beremin, bireý tıse qalsa birige soǵysamyz, sizdiń dushpan - bizdiń dushpan". Boldy.

Endi mynany qaraıyq:
Budan tórt jyl buryn Pýtın Lıvııa, Sırııa degen elderde ylań salyp júrgendi.
Bul buryńǵy Osman ımperııasynyń aımaǵy bolatyn, ıaǵnı bul elder Túrkııanyń múddeli aımaqtarynyń biri edi.
Qazir Túrkııa ol aımaqtardaǵy óz múddesin batyl qorǵaı otyryp, dálirek aıtsaq, ondaǵy janjal oshaqtaryn tunshyqtyryp, odan soń Reseı yqpal etetin aımaqtarǵa jaryp kirdi dese de bolady.
Ótkende Túrik áskerıleri Ózbekstan áskerimen birge áskerı jattyǵý ótkizdi.
Erdoǵan qazir Ázirbaıjannan batyl túrde áskerı baza surap otyr. Ondaǵy Álıevtiń qolymen Kavkazǵa birjola ornyqpaqshy.
Erdoǵan Ýkraınamen qorǵanys salasynda yntymaqtasyp otyr.
Al Reseı qazir tek qorǵanysqa kóshti dese de bolady. Álsizdeý ún qatyp qoıady...
Menińshe, jańa geosaıası oıyndar qyzyp, bir tolqyn qarqyn alyp kele jatqan sııaqty.
Artyn ańdalyq, baıqalyq...

 

"Adyrna" ulttyq portaly

 

 

 

Pikirler