Qytaı áýe kompanııalary Qazaqstan men Qytaı arasyndaǵy reısterdi ulǵaıtyp jatyr. Bul týraly Azamattyq avıaııa komıtetiniń baspasóz qyzmeti aıtty, dep habarlaıdy «Adyrna» tilshisi.
«China Southern Airlines áýekompanııasy 2024 jylǵy 23 qańtardan bastap aptasyna 3 reıs jıiligimen Almaty – Beıjiń baǵyty boıynsha reıster ashýdy josparlap otyr. Suranys artsa, áýekompanııa Almaty qalasynan Úrimshi jáne Sıan qalalaryna, sondaı-aq Astana qalasynan Úrimshi qalasyna 2024 jyldyń kóktemgi-jazǵy maýsymynan bastap qoldanystaǵy baǵyttar boıynsha reıster sanyn ulǵaıtý múmkindigin qarastyrýǵa daıyn»,—delingen habarlamada.
Jalpy 2024 jylǵy kóktem-jaz kezeńinde eki el arasyndaǵy reıster sany qoldanystaǵy jáne jańa áýe baǵyttary boıynsha aptasyna 30 reıske deıin artady dep kútilýde.
Eske salaıyq, 10 qarashadan bastap Qazaqstan men Qytaı arasynda vızasyz rejım kúshine engen edi.
