Kölık ministrı Ükımet otyrysynan keiın ötken brifingıde Astanada salynyp jatqan LRT qūrylysyna kelesı jyly qanşa qarajat kerek bolatynyn aitty, dep habarlaidy «Adyrna» ūlttyq portaly.
«Biyl jobaǧa 52 mlrd teŋge bölındı. Jyl basynda osy somany ministrlık endı sūrap jatyr degen aqparat tarady. Äŋgıme ol jaily emes. Ol soma bölınıp, ırgetas qazyqtaryn qaǧuǧa baǧyttaldy. Ol jūmys 96 paiyz oryndaldy. Al tıreu ornatu jūmystary 76 paiyzǧa aiaqtaldy. Qūrylymdaryn bır-bırıne jalǧau jūmystary, bıluımşe, 82 paiyz jasaldy. Būl – biyl aiaqtalǧan jūmystar», – dedı Marat Qarabaev.Sondai-aq vedomstvo basşysy kelesı jyly jobaǧa qanşa qarajat qajet bolatynyn aitty.
«Kelesı jyly qūrylys-montaj jūmystaryn aiaqtau üşın şamamen 45 mlrd teŋge kerek bolady. Qazır qūrylys alaŋynda 1,5 myŋǧa juyq jūmysşy eŋbek etıp jatyr. Eger jūmys auqymy keŋeise, onda qosymşa 150 mlrd teŋgege deiın qarajat sūraimyz. Alaida nysandy aiaqtau jospary 2025 jylǧa közdelgen. Alǧaşqyda 8 stansiia men 5 poiyz jūmysyn bastaidy, – dedı ministr.
Eske salaiyq, Kölık ministrlıgı Ūlttyq Qordyŋ 2023 jylǧa arnalǧan qarajatynan Astanadaǧy LRT jobasyna millliardtaǧan qarjy sūraǧanyn aitqan edık.
«Adyrna» ūlttyq portaly
Ūqsas jaŋalyqtar
