Kólik mınıstri Úkimet otyrysynan keıin ótken brıfıngide Astanada salynyp jatqan LRT qurylysyna kelesi jyly qansha qarajat kerek bolatynyn aıtty, dep habarlaıdy «Adyrna» ulttyq portaly.
«Bıyl jobaǵa 52 mlrd teńge bólindi. Jyl basynda osy somany mınıstrlik endi surap jatyr degen aqparat tarady. Áńgime ol jaıly emes. Ol soma bólinip, irgetas qazyqtaryn qaǵýǵa baǵyttaldy. Ol jumys 96 paıyz oryndaldy. Al tireý ornatý jumystary 76 paıyzǵa aıaqtaldy. Qurylymdaryn bir-birine jalǵaý jumystary, bilýimshe, 82 paıyz jasaldy. Bul – bıyl aıaqtalǵan jumystar», – dedi Marat Qarabaev.
Sondaı-aq vedomstvo basshysy kelesi jyly jobaǵa qansha qarajat qajet bolatynyn aıtty.
«Kelesi jyly qurylys-montaj jumystaryn aıaqtaý úshin shamamen 45 mlrd teńge kerek bolady. Qazir qurylys alańynda 1,5 myńǵa jýyq jumysshy eńbek etip jatyr. Eger jumys aýqymy keńeıse, onda qosymsha 150 mlrd teńgege deıin qarajat suraımyz. Alaıda nysandy aıaqtaý jospary 2025 jylǵa kózdelgen. Alǵashqyda 8 stanııa men 5 poıyz jumysyn bastaıdy, – dedi mınıstr.
Eske salaıyq, Kólik mınıstrligi Ulttyq Qordyń 2023 jylǵa arnalǵan qarajatynan Astanadaǵy LRT jobasyna mılllıardtaǵan qarjy suraǵanyn aıtqan edik.
«Adyrna» ulttyq portaly
