Reseıdiń Ýkraınaǵa áskerı shapqynshylyǵy men Ýkraınanyń shyǵys aımaqtaryn basyp alý kezinde Hersondaǵy Ekinshi dúnıejúzilik soǵys qujattary saqtalǵan muraǵat, basqa da shaǵyn muraǵattar men mekemeler tonaldy, kóptegen tarıhı qujattar joıyldy, dep habarlaıdy «Adyrna» ulttyq portaly DW saıtyna silteme jasap.
Qazir Ýkraınanyń basqa muraǵattary da osyndaı qıyndyqtardy bastan keshirýde.
«Reseı basyp alǵanǵa deıin de Ýkraına muraǵattarynyń jaǵdaıy jaqsy bolǵan joq», - delingen habarlamada.
Avtorlar ýkraın muraǵatynyń qyzmetkerlerimen suhbatta negizgi problemalardy atap kórsetken: kollekııalardy saqtaý men jańa jobalardy júzege asyrý úshin qarjylandyrýdyń jetkiliksizdigi, materıaldardy baqylap, kútý úshin adam resýrstarynyń jetispeýshiligi, sondaı-aq bıýrokratııalyq qıyndyqtar.
Nemis sarapshylary: «Soǵys ınfraqurylymǵa, ǵımarattarǵa jáne muraǵat materıaldaryna áser etip, jappaı qıraýǵa ákeldi», - deıdi. Bul rette olar BUU-nyń bilim, ǵylym jáne mádenıet agenttigi – IýNESKO-nyń 2023 jyldyń sáýir aıyndaǵy derekterine silteme jasap, Ýkraınadaǵy 251 mádenı nysanǵa, onyń ishinde 22 murajaıǵa, 12 kitaphanaǵa jáne 1 muraǵatqa keltirilgen soǵys zalaldaryn tirkedi.
Sarapshylar ýkraındyq muraǵattardy ıfrlandyrýdy, sondaı-aq osy jumys boıynsha óz kómekterin usyndy.
«Jabdyqtyń, qyzmetkerlerdiń nemese aqshanyń jetispeýshiliginen fızıkalyq jazbalardy saqtaý qıyn. Bılik úılerinen aıyrylǵan adamdardy baspanamen qamtamasyz etýge nazar aýdarady, sondyqtan olar úshin muraǵattardy jóndeý birinshi orynda emes», - deıdi Arolsen muraǵat ortalyǵy.
«Adyrna» ulttyq portaly
