AQŞ-tan Ukrainaǧa qaru-jaraq jetkızu qysqa uaqytqa toqtatyldy, bıraq ötken demalys künderı qaita jalǧasty. Būl uaqytşa üzılıs Tramp äkımşılıgınıŋ Ukrainaǧa qatysty saiasatyn talqylau nätijesınde bolǧan. Būl turaly Reuters jazdy, dep habarlaidy “Adyrna” ūlttyq portaly.
Aq üi Ukrainaǧa barlyq kömektı toqtatu turaly alǧaşqy şeşımın özgertkennen keiın jetkızılım qaita bastaldy.
AQŞ prezidentı Donald Tramp aqpannyŋ 3-ı künı Ukraina AQŞ-qa sirek kezdesetın metaldar jetkızuge uäde berse, oǧan kömek jalǧasatynyn aitty. Būǧan deiın būl mäsele Vladimir Zelenskiidıŋ "jeŋıs jospary" aiasynda aitylǧan bolatyn.
"Ukrainaǧa olardyŋ öte qūndy sirek kezdesetın metaldary bar ekenın aityp jatyrmyz. Bız Ukrainamen kelısım jasaudy qalaimyz, onyŋ aiasynda olar bız berıp jatqan närselerdı sirek kezdesetın jer metaldarymen jäne basqa da närselermen qamtamasyz etetın bolady", — dedı Tramp Aq üide jurnalisterge sūhbat bere otyryp.
Tramptyŋ “Kievtıŋ Vaşingtonǧa resurstar jetkızuı qajet pe” degen saualyna oŋ jauap berdı, ärı "sirek kezdesetın jer metaldarynyŋ" jetkızıluıne "kepıldık alǧysy keletının" atap öttı. Ol Ukraina būǧan daiyn dep mälımdedı. Aq üi basşysy Kiev "qoldanǧan kömekke" 300 milliard dollardyŋ şamasynda ötemaqy töleuı tiıs ekenın aitty.
Sirek kezdesetın jer metaldary — 17 metaldan tūratyn top, olar elektr qozǧaltqyştaryn, elektromobilder, ūialy telefondar jäne basqa da elektronika jasau üşın qajet. Olardyŋ balamalary joq.
