Memleket basşysy Qasym-Jomart Toqaev Qazaqstan halqyna ündeu joldap, olardy Halyqaralyq volonterlar künımen qūttyqtady, - dep habarlaidy «Adyrna» ūlttyq portaly.
«Bügın, Halyqaralyq volonterlar künınde bız basqalarǧa janqiiarlyqpen kömekteskenderdı qūrmetteimız. Bızdıŋ volonterlar meiırımdılık pen qaiyrymdylyq, yntymaq pen azamattyq jauapkerşılıktıŋ joǧary idealdaryn beineleidı. Būl ırgelı qūndylyqtar «Adal Azamat» tūjyrymdamasynyŋ negızınde jatyr. Äleumettık maŋyzy bar ıs-şaralarǧa qatysyp, qaiyrymdylyq jobalaryn jüzege asyryp, mūqtaj jandarǧa qamqorlyq jasap jürgenderdıŋ barlyǧyna alǧys aitamyn. Şyǧarmaşylyq ıs-äreketterıŋızde şynaiy patriotizm körınedı. Memleket eldegı erıktıler qozǧalysyna qoldau körsetudı jalǧastyrady», - dep jazdy Prezident özınıŋ X (Twitter) paraqşasynda. BŪŪ-nyŋ resmi saitynda Halyqaralyq erıktıler künın BŪŪ Bas Assambleiasy bekıttı. Ol jyl saiyn 5 jeltoqsanda toilanady. «Būl kün erıktıler men ūiymdar üşın öz jetıstıkterın atap ötuge, ideialarmen bölısuge jäne jergılıktı qauymdastyqtar, ükımettık emes ūiymdar (ÜEŪ), BŪŪ agenttıkterı, memlekettık organdar jäne jeke sektor arasynda öz jūmysyn ılgerıletuge kömektesetın bıregei mümkındık», - deidı BŪŪ. Bırıkken Ūlttar Ūiymynyŋ mälımetı boiynşa, 15 jäne odan da joǧary jastaǧy erıktılerdıŋ ai saiynǧy sany älem boiynşa 862,4 million adamdy qūraidy. Volonterlık jobalardyŋ köpşılıgı beiresmi türde ūiymdastyrylǧan — olarǧa älem halqynyŋ 14,3 paiyzy qatysady, al eŋbekke qabılettı jastaǧy adamdardyŋ 6,5 paiyzy ūiymdar nemese qauymdastyqtar arqyly resmi volonterlık qyzmetke qatysady. Resmi erıktıler arasynda er adamdar basym bolsa, beiresmi volonterler arasynda äielder jiı kezdesedı. Qazvolunteer.kz platformasyndaǧy aqparatqa säikes, Qazaqstanda ūlttyq volonterlık jelı 2010 jyly qūrylǧan. Būl azamattardyŋ, azamattyq qoǧam instituttarynyŋ, käsıpkerlık sektordyŋ jäne memlekettık organdardyŋ arasynda volonterlık qyzmet mädenietın, volonterlık bastamalar men qyzmettı qalyptastyru, qoldau jäne damytu maqsatynda azamattar men zaŋdy tūlǧalardyŋ erıktı bırlestıgı.«Adyrna» ūlttyq portaly
Ūqsas jaŋalyqtar
