Taldyqorǧandyq poliseiler pyşaqtalǧan qyzdyŋ ısı boiynşa jazalandy, - dep habarlaidy "Adyrna" ūlttyq portaly Tengrinews.kz-ke sıltep.
"Atalǧan faktı boiynşa qyzmettık tergeu jürgızıldı. Nätijesınde Taldyqorǧan qalalyq IIB-nıŋ bes qyzmetkerı qataŋ tärtıptık jauapkerşılıkke tartyldy. Qazırgı uaqytta tergeu amaldary jürgızılude. Qylmystyq-prosestık kodekstıŋ 201-babyna säikes sotqa deiıngı tergep-tekseru derekterı jariia etıluge jatpaidy», - dep habarlady IIM baspasöz qyzmetı.
Būǧan deiın «Ne molchi» qory poliseilerge oqyrmandarynyŋ bırıne jasalǧan sūmdyq jait turaly baiandaǧan bolatyn. Taldyqorǧanda 35 jastaǧy er azamat būrynǧy ara-qatynastaǧy qyzyn keŋse pyşaǧyn tılgılep tastaǧan bolatyn.
"Özıŋız elestetıp körıŋızşı: sızdı otadan şyǧaryp, dälızde qaldyryp ketedı, özıŋız älı narkozdan aiyqpaǧansyz. Al sızdı köterıp, bölımşege jauap alu üşın alyp ketedı. Būl bassyzdyq qoi. #NeMolchi qory ıske qatysy bar barlyq qyzmetkerlerden jauap talap etedı. Osy epizod boiynşa jauapkerşılıkke tartylsyn Bız Sybailas jemqorlyqqa qarsy ıs-qimyl agenttıgınıŋ resmi jauabyn kütemız», - delıngen qor habarlamasynda.
Alaida Jetısu oblystyq polisiia departamentı qordyŋ būl aiyptaularyn joqqa şyǧardy.
Eske sala keteiık, jelıde oqiǧa ornynan video paida boldy. Jıgıt qyzǧa şabuyl jasap, ony pyşaqpen keskılep tastaǧan. Keiın jıgıttıŋ bır-ekı künnen keiın üiqamaqqa şyǧarylyp, «Būzaqylyq» baby boiynşa ıs qozǧalǧany belgılı boldy. Alaida, qoǧamdyq narazylyqtan keiın ol qamauǧa alynyp, ıs «kısı öltıruge oqtalu» dep özgertıldı.
Ūqsas jaŋalyqtar
