«Nazarbaev Qory» Qazaqstanda korporativtık tabys salyǧyn töleuden bosatyldy, dep mälımdedı Qazaqstan Respublikasy Mäjılısınıŋ deputaty Ädıl Jūbanov. Būl turaly «Adyrna» ūlttyq portaly habarlaidy.
«Qazaqstanda «Problemalyq nesie qory» AQ jäne «Nazarbaev qory» jeke qory korporativtık tabys salyǧyn (KTS) töleuden bosatyldy. Salyqtyq jeŋıldıkterdı MEGA sauda ortalyqtary jelısı, därı-därmek importtaityn jäne olardy joǧary baǧamen satatyn farmasevtikalyq kompaniialar, negızınen önım qūrastyrumen ainalysatyn, QQS (Qosylǧan qūn salyǧy) nöldık mölşerlemesı bar jäne Özbekstanǧa eksportqa satatyn Hyundai Trans Kazakhstan paidalanady», - dedı Jūbanov särsenbı küngı Mäjılıs otyrysynda. Onyŋ aituynşa, Hyundai Trans Kazakhstan Özbekstan biudjetıne 25 mln dollar salyq tölegen. Onyŋ üstıne būl kompaniia 2015 jyldan bastap memleketten 160 milliard teŋgeden astam subsidiia aldy. Sondai-aq qoldanystaǧy redaksiia qūramynda mügedek jūmyskerlerı bar kompaniialardy QQS töleuden bosatu boiynşa jeŋıldıkter – osy jeŋıldıktı biudjet aldyndaǧy mındettemelerın azaitu üşın aila-şarǧy jasauǧa mümkındık beredı. Ol qabyldanǧannan berı QQS boiynşa bosatylǧan ainalym somasy 2018 jylǧy 5,4 mlrd teŋgeden 2021 jyly 86,2 mlrd teŋgege deiın 16 esege östı. Salyq kodeksınde jeke sipattaǧy jeŋıldıkter beretın normalar bar, būl salyq saludyŋ ädıldık qaǧidatyna qaişy keledı, dep qosty Jūbanov. Eskere keteiık, korporativtık tabys salyǧyn Qazaqstan Respublikasynda qyzmetın tūraqty mekeme arqyly jüzege asyratyn nemese Qazaqstan Respublikasyndaǧy közderden tabys alatyn zaŋdy tūlǧa-beirezidentter töleidı.«Adyrna» ūlttyq portaly
Ūqsas jaŋalyqtar
