ÄSKERİ ESTAFETA ÖTTI

Estafetaǧa barlyǧy 15 komanda qatysty. TarMU äskeri kafedrasynyŋ oqu toptarynyŋ atynan 12 komanda, Taraz-innovasiialyq gumanitarlyq universitetınıŋ atynan 1 komanda jäne №5513, №28903 äskeri böılmşenıŋ komandalarynyŋ kursanttary synǧa tüstı. Jiyndy universitet rektory Mahmetǧali Sarybekov aşty. Universitet basşysy qatardaǧy jauyngerlerdı resmi mereklerımen qūttyqtap, Jastar jyly aiasynda ūiymdastyrylyp otyrǧan estafetaǧa sättılık tıledı. Saiysqa tüsuşıler topqa böılınıp, estafetany tartysty bastady. Sarbazdardyŋ dene daiyndyǧy 8 kezeŋ boiynşa synaldy. Aldymen, jauyngerler Kalaşnikov avtomatyn belgılengen uaqyt ışınde şaşyp qaita jinau şeberlıgı boiynşa synǧa tüstı. Būl synaqty oŋai eŋsergen sarbazdarǧa gazǧa qarsy tūmyldyryqpen 100 metr qaşyqtyqqa jügıru kezeŋınde de şapşaŋdyq tanytuǧa tura keldı. Odan soŋ, jalpy äskeri qorǧanys keşenın kiıp, qaitadan 100 metrge jügıru de sarbazdarǧa qiyndyq tudyra qoimady. Törtınşı kezeŋde sarbazdardyŋ granatamen nysany däldeu şeberlıgı synaldy. Granata laqtyru synaǧynan keiın estafetany alǧan jauyngerler jaraly qarulasyn 100 metr jerge köterıp aparyp, 12 ret kermege tartylu, 10 ret 24 kelı kır tasyn köteru boiynşa küş synasty. Odan ary 400 metr qaşyqtyqty baǧyndyrdy. Estafeta jolyndaǧy türlı qiyn tapsyrmalardy tügeldei sättı oryndap şyqqan komanda müşelerı estafeta bastalǧan orynǧa qaita oraldy. Barlyq kezeŋderde şapşaŋdyq tanytqan komandalar märe syzyǧyna bırınen soŋ bırı aǧylyp jatty. Sondai-aq, synǧa qyzdarda tüstı. Olar AK-74 avtomatyn şaşyp, qaita jinaudan jarysty. Nätijesınde universitetımızdıŋ qyzdary üzdık şyqyty. – Maǧan äskeri ömır, ondaǧa tärtıp bala kezımnen ūnaityn. Mektep kezende äskeri daiyndyq sabaǧy boldy. Ol kezde asa qatty äskeri ömırdıŋ qyr syryn ūǧa almadym. Al, qazır universitemızdıŋ äskeri kafedrasynda ekınşı jyl oqyp jatyrmyn. Öz armanyma qol jetkızdım. Naǧyz qainaǧan äskeri ömırdıŋ ortasynda jürmın. Avtomatty oŋai şaşyp, tez jinai alamyn. Sonyŋ nätijesınde bügın üzdık tanylyp otyrmyn. Jylsaiyn ötetın estafeta ary qaraida jalǧasyn taba bersın,–dedı estafetaǧa qatysuşy Diana Meiramova. Estafeta oiyndarynyŋ şeşuşı kezeŋınde qatysuşylar 1 km qaşyqtyqqa jügırdı. Oiyn soŋynda jauyngerler arasynda arqan tartys, qol küres, 24 kelı salmaqtaǧy kır tasyn köteru boiynşa jarystar ūiymdastyryldy. Nätijesınde universitetımızdıŋ №13 toby qarsylastaryn basa ozyp şyǧyp, I orynǧa ie boldy. II oryndy TİGU-dıŋ studentterı alsa, III oryn taǧy da №15 TarMu-dyŋ komandasy jeŋıp aldy.   Jeŋımpazdardy äskeri kafedra bastyǧy Saǧat Mūqūşev marapattap, därejelı diplomdarmen bırge merekelık tort tartu ettı. Sonymen bırge, estafeta oiyndary barysynda ötkızılgen sporttyq saiystarda top jarǧan jekelegen qatysuşylarǧa da diplomdar men aqşalai syilyq tabys etıldı.