Bazardyń tarıhı kelbeti men onyń mádenı qundylyǵy saqtalady.
Almaty ákimi Erbolat Dosaev Medeý aýdanyn aralaý barysynda qazirgi ýaqytta qurylys-montaj jumystary júrgizilip jatqan qalanyń kórnekti jáne kóne oryndarynyń biri «Kók bazarǵa» bardy.
Pavılondardy jańǵyrtý 2023 jyldyń shildesinde bastaldy, ony 2025 jyldyń sońyna deıin aıaqtaý josparlanǵan. Qurylys-montajdaý jumystaryn júrgizýge QazQSǴZI zertteý qorytyndysy alyndy. Qaıta qurý kezinde bazar shtattyq rejımde jumys istep turady.
Megapolıstiń ortalyq bazar qurylymdarynyń qatty tozýyna baılanysty jańǵyrtý týraly sheshim qabyldandy. Qala basshysynyń tapsyrmasymen jumys qorytyndysy boıynsha satyp alýshylar men kásipkerler úshin qolaıly jaǵdaı men saýdanyń zamanaýı formatyna kóshý múmkindigi jasalady.
Kásipkerlik jáne ınvestıııalar basqarmasynyń basshysy Berik Soltanbaev Almaty ákimine jobany júzege asyrýdyń kezeńderi men perspektıvasy týraly baıandady. Osylaısha, ınjenerlik jelilerdi qaıta qurý qarastyrylǵan, qazirdiń ózinde ol 40%-ǵa aıaqtalyp, saýda alańdary jańǵyrtylyp, kireberisti kúsheıtilip, jańartyldy. Sonymen qatar, Jibek Joly kóshesi jaǵynan irgeles aýmaqty abattandyrý júrgiziledi, jańa qoǵamdyq keńistik – qala turǵyndary úshin jaıaý júrginshiler aımaǵy paıda bolady.
Erbolat Dosaev «Kók bazardy» jańǵyrtýdy júrgizý Memleket basshysynyń bıyl Qazaqstan halqyna Joldaýyna, anyǵy, orta jáne shaǵyn kásipkerlikti qoldaý boıynsha aıtqan mindetine saı keletinin atap ótti.
«Kók bazar – qaladaǵy erekshe oryn. Munda turǵyndar men qala qonaqtary saýda jasaýǵa kelip qana qoımaı, onyń erekshe atmosferasyn sezinedi. Onyń buzbaı saqtap, tóbesi jabylǵan bazar jasaǵan jón. Bastysy retke keltirý, biraq «Kók bazardyń» qalanyń mádenı menshigi jáne týrıstik orny bolyp qala berýi mańyzdy. Sebebi Almaty «Kók bazarsyz» – Almaty emes, sondyqtan qalamyzdyń tarıhı ortalyǵyn saqtaýdy suraımyn», - dedi Erbolat Dosaev.
Buǵan deıin, 2017 jyly qala bazarlaryn jańǵyrtý aıasynda «Kók bazarda» qurylys jumystary júrgizildi: ashyq konteınerlik qatarlardyń ornyna aýdany 20 myń sharshy metr bolatyn jańa «Qysqy pavılon» salyndy, onyń jartysy saýda alańyna, ekinshi bóligi 400 oryndyq eki deńgeıli avtoparkıngke bólindi. Jobaǵa shamamen 2,5 mlrd teńge qarjy jumsaldy.
