Batys Qazaqstan oblysynda qyzamyq dertinen tórt jasar qyz bala kóz jumdy, dep habarlaıdy "Adyrna" tilshisi.
Oblystyq Densaýlyq saqtaý basqarmasynyń mamandary qyzdy aman alyp qalý múmkin bolmaǵanyn aıtady.
"5 jeltoqsan kúni keshki saǵat 10-da túsedi de, bes saǵattyń ishinde jaǵdaıy kúrt nasharlap, júregi toqtady. Qaıtys bolǵannan keıingi dıagnozy – skarlatına. Ókpeniń qabynýy, mıokardıt, júrektiń mıokard isinýi. Qabynǵanda sondaı dıagnoz qoıyldy. Endi gıstologtar gıstologııaǵa kerek analızderdi, tolyq dıagnoz aldy. Onyń nátıjesine bir jumadaı ýaqyt kerek", – dedi BQO Densaýlyq saqtaý basqarmasynyń basshysy Erlan Toqsanov.
Onymen bir balabaqshaǵa baryp júrgen taǵy tórt bala qazir aýrýhanada. Onyń bireýi jansaqtaý bóliminde em alyp jatyr.
Atalǵan aýrý kóbinese 2-10 jas aralyǵyndaǵy balalarda kezdesedi eken. Tasqala aýylyndaǵy balalar arasynda tipti órshigen kórinedi.
Oblysta jyl basynan beri bul aýrýmen 780 adam aýyrsa, 347-si aýrýhanada emdelgen. Olardyń tek 21-i eresekter.
