Energetıka mınıstrligi janarmaı quıý beketterindegi janarmaı tapshylyǵyna qatysty pikir bildirdi, dep habarlaıdy "Adyrna" ulttyq portaly.
Mınıstrliktiń habarlaýynsha, 2023 jylǵy 9 jeltoqsandaǵy jaǵdaı boıynsha suıytylǵan munaı gazynyń qaldyǵy Mańǵystaý oblysy boıynsha 1828,7 tonna (táýligine 3,2 tonna jetkizý) (Aqtaý – 434 tonna, Jańaózen – 476 tonna, Munaıly – 322 tonna, Mańǵystaý – 172 tonna, Túpqaraǵan – 160,1 tonna, Beıneý – 129,8 tonna, Qaraqııa – 134,8 tonna bolǵan.
«Oblystaǵy jaǵdaı turaqty, Aqtaý, Munaıly jáne Túpqaraǵan aýdandaryndaǵy janarmaı quıý beketterinde bes-jeti vagonnan turatyn kezek bar, gazdy tasymaldaý kestege saı júrgizilýde», - dep habarlady mekeme.
Óńirde osy janarmaı tapshylyǵyn boldyrmaý maqsatynda 1 jeltoqsannan bastap táýligine 570 tonnadan 620 tonnaǵa deıin jetkiziletin bolady.
«Búgingi kúni Aqtaý qalasyna 12 gaz zaýytyna josparlanǵan jóneltilim 182 tonna boldy. Kezekterdiń basym bóligi 29a, 24 jáne «Shyǵys» shaǵynaýdanynda, qala syrtynda kezek joq. Óńirdegi janarmaı quıý beketterinde gaz 54-59 teńgeden satylýda», - dep jaýap berdi Energetıka mınıstrligi.
