Almaty qalalyq Tótenshe jaǵdaılar departamentiniń basshysy sybaılas jemqorlyq úshin sottaldy, dep habarlaıdy «Adyrna» ulttyq portaly Sybaılas jemqorlyqqa qarsy qyzmettiń baspasóz qyzmetine silteme jasap.
«8 jeltoqsanda Qostanaı qalasynyń No2 soty Almaty qalalyq Tótenshe jaǵdaılar departamentiniń bastyǵy azamattyq qorǵaý podpolkovnıgi Almat Janyspaevqa qatysty úkim shyǵardy.
Ol kásipkerge jalpy qamqorlyq jasaǵany úshin jalpy somasy 13 mıllıon teńgeden astam aqshalaı syıaqy alǵany úshin kináli dep tanyldy», - delingen Antıkor habarlamasynda.
Janyspaev 5 jylǵa bas bostandyǵynan aıyrylyp, arnaýly ataǵynan, sondaı-aq ómir boıyna memlekettik qyzmette laýazymdardy atqarý quqyǵynan aıyryldy.
Úkim zańdy kúshine engen joq.
«Adyrna» ulttyq portaly
