Shyǵys Qazaqstan oblysy Katonqaraǵaı aýdanynda Órel ózeni arnasynan asyp, úılerge sý kirdi. Bul týraly oblys ákimdiginiń baspasóz qyzmeti aıtty, dep habarlaıdy «Adyrna» tilshisi.
«Aýa temperatýrasynyń kúrt tómendeýine baılanysty ózen arnasyna muz qatyp, sonyń saldarynan sýdyń deńgeıi kóterilgen. Sý 3 úıge kirip, 9 úıdiń aýlasyna jaıyldy»,—delingen habarlamada.
Aýdan ákimi Dildar Qaltqannyń aıtýynsha, qazirgi tańda tótenshe jaǵdaı saldaryn joıý jumystary júrgizilip jatyr.
«Arnaıy tehnıkalar jumyldyryldy. Motopompalarmen sýdy syrtqa shyǵardy. Qum salynǵan qaptardan bógetter qoıyldy. Ózen arnasyn qar-muzdan tazartý jumysy jalǵasýda. Aýyl turǵyndarynyń qaýipsizdigi úshin barlyq tıisti jumystar qolǵa alynǵan»,—dedi ol.
