Memleket basshysy Astana qalasyndaǵy №96 mektep-gımnazııany aralap kórdi. Bul týraly Aqorda jazdy, dep habarlaıdy «Adyrna» tilshisi.
Prezıdentke bilim oshaǵyndaǵy oqý-tárbıe jumystarynyń barysy tanystyryldy. Bul mektep jemqorlardan tárkilengen qarjyǵa salyndy. Bıyl paıdalanýǵa berilgen gımnazııa elordanyń sol jaǵalaýyndaǵy basqa mektepterdiń júktemesin azaıtýǵa septigin tıgizdi. Qazir munda 1466 oqýshy bilim alady.
Qasym-Jomart Toqaevqa qoǵamdyq-gýmanıtarlyq baǵytta bilim beretin mektep-gımnazııanyń oqý úderisi týraly baıandaldy. Oqýshylarǵa aǵylshyn, franýz tilderimen qatar, qytaı tili de oqytylady.
Prezıdent №96 mektep-gımnazııanyń pedagogıkalyq ujymymen júzdesip, memleket ustazdardyń mártebesin odan ári kóterýdi jalǵastyra beretinin aıtty.
Budan bólek, Memleket basshysyna elordanyń bilim berý júıesi jaıynda baıandaldy. Astana qalalyq Bilim basqarmasynyń basshysy Qasymhan Senǵazyev bıyl 16 myń oqýshyǵa arnalǵan 12 mektepti paıdalanýǵa berý josparlanyp otyrǵanyn jetkizdi. Búginge deıin 7 mektep ashylǵan. Jyl sońyna deıin taǵy 5 jańa mektep iske qosylmaq.
