Astananyń “Jastar” teatrynda tárbıelik máni zor, óskeleń urpaqqa bereri mol shara ótti, dep habarlaıdy "Adyrna" ulttyq portaly.
Saryarqa aýdany ákimdigi jáne «Qarashańyraq» Qoǵamdyq birlestiginiń uıymdastyrýymen Saryarqa aýdany aýmaǵynda ornalasqan joǵarǵy oqý oryndary men kolledjderde oqıtyn, burymy uzyn boıjetkender arasynda “Shashbaýlym” atty ulttyq etnografııalyq saıysy ótti.
Ulyq mereke qarsańynda ótken saıysqa Saryarqa aýdanynda ornalasqan kolledjder qatysty.
Saıystyń bas júldesine belgili zerger Berik Álibaıdyń shákirti, uly, zerger Zııat Berikulynyń qolynan shyqqan ulttyq týyndy, baǵaly buıym -kúmis shashbaý berildi. Kóp qyzdyń arasynan aqyly kórkine saı burymdy atanǵan L.N.Gýmılev atyndaǵy Eýrazııa ulttyq ýnıversıteti KeAQ kolledjiniń stýdenti Tileýjan Aıdana boldy.
Al 1 oryndy “Astana Profı” qalalyq sharýashylyq kolldji” stýdenti Rústemqyzy Zere ıelendi. Jeńimpazǵa Zııat zergerdiń týyndysy -qońyraý syrǵa men qus tumsyq júzik syılandy.
2 oryn eki qatysýshyǵa berildi. “Astana qalasy ákimdiginiń “Servıs jáne týrızm kolledji” ShJQ MKfk stýdenti Qurmasheva Anısa men Astana qalasy “Tehnıkalyq kolledji” ShJQ MKK stýdenti Balabaı Aqbota aldy.
3 oryndy úsh boıjetken ıelendi. “Ýrban” kolledjiniń stýdenti Rýslanqyzy Raýan, “Astana polıteh” joǵary kolledjiniń stýdenti Nabıǵat Aıagóz, Astana qalasy ákimdiginiń “Joǵary kólik jáne kommýnıkaııa kolledji” ShJQ MKK stýdenti Rahımova Orynbasar jaıǵasty.
Saıysta qalyń “Kórermenniń kózaıymy” atalymyn Z.Murzaǵulova atyndaǵy “Danalyq” joǵary medıınalyq kolledjiniń stýdenti Pirnııazova Qaraqatqa berildi.
Barsha qatysýshy qyzdarǵa “Qara shańyraq” QB brendine aınalǵan “Qazaqsha sóıleıik” ekodorbalaryna salyp, batyr babamyz Baýyrjan Momyshulynyń kelini, etnograf jazýshy Zeınep Ahmetovanyń “Kúretamyr” kitabyn syıǵa tarttyq. Sonymen qatar dıplomdar, gúl shoqtary tartý etildi.
