Las-Vegasta (AQSh) ótken UFC 296 týrnırinde qazaqstandyq boksshy Shavkat Rahmonovtyń amerıkalyq Stıven Tompsondy jeńgeni úshin qansha syıaqy alǵany belgili boldy.
Ol jeńisi úshin 306 myń AQSh dollaryn alǵan. Bul shamamen 141 mıllıon teńge.
MMA Salaries málimetteri boıynsha, bul jekpe-jek úshin "Nomad" mansabyndaǵy eń úlken gonorardy – 306 myń dollar alǵan (150 myń jekpe-jekke qatysqany úshin, 150 myń dollar – jeńis úshin jáne taǵy 6 demeýshilik bonýs bar).
Alaıda onyń qarsylasy kóbirek tabys tapqan. Tompsonǵa berilgen qarajat 416 myń dollardy quraǵan (judyryqtasýǵa shyqqany úshin 400 myń jáne demeýshiler tarapynan yntalandyrý úshin 16 myń dollar).
Gonoraryn kóp alǵan boksshylar:
- Leon Edvards - $1.642.000
- Aleksandr Pantoja - $942.000
- Kolbı Kovıngton - $782.000
- Kodı Garbrandt - $511.000
- Stıven Tompson - $416.000
- Shavkat Rahmonov - $306.000
Eske sala keteıik, qazaqstandyq faıter Shavkat Rahmonov MMA-daǵy merziminen buryn 18-shi, UFC-degi 6-shy jeńisine qol jetkizdi. Otandyq boksshy Las-Vegasta ótken UFC 296 týrnırinde amerıkalyq Stıven Tompsondy ekinshi raýndta tunshyqtyrý ádisimen jeńgen.
