Qazaqstannyń Ulttyq ekonomıka mınıstrligi Reseı armııasyn qamtamasyz etedi degen kúdikke ilingen Elem Group kompanııasyna qatysty málimdeme jasady, dep habarlaıdy «Adyrna» ulttyq portaly.
«7 jeltoqsanda «Elem group» JShS AQSh Saýda mınıstrliginiń Ónerkásip jáne qaýipsizdik bıýrosynyń sýbektiler tizimine engizildi. Aıta keteıik, 2023 jyldyń mamyr aıynan beri «Elem group» JShS syrtqy saýda qyzmetin júrgizbegen.
«Engizilgen shekteýler boıynsha, budan bylaı AQSh jetkizýshileri amerıkalyq taýarlardy osy tizimge engizilgen kompanııalarǵa arnaıy lıenzııasyz jibere almaıtynyn bildiredi», - dep habarlady dúısenbide Qazaqstannyń Ulttyq ekonomıka mınıstrligi.
Aqparatqa sáıkes, «AQSh Saýda mınıstrligi shekteýlerine ushyraǵan kompanııalar amerıkalyq kontragenttermen jumys isteýdi qospaǵanda, jumysyn jalǵastyra alady». «Bul tizimge sonymen qatar Germanııa, Japonııa, Belgııa, Ulybrıtanııa jáne t.b. damyǵan elderdiń kásiporyndary kiredi. Bul qaıtalama sankııalar emes, ıaǵnı AQSh Qarjy mınıstrliginiń (SDN list) sheteldik aktıvterdi baqylaý basqarmasynyń (OFAC) buǵattaý tizimine jatpaıtynyn eskerý mańyzdy», - delingen habarlamada.
Eske salaıyq, 17 jeltoqsanda qazaqstandyq Elem group kompanııasy Ýkraınadaǵy reseılik armııany qamtamasyz etedi degen kúdikke ilingenin habarlaǵan bolatynbyz.
«Adyrna» ulttyq portaly
