«Jaıly mektep» ulttyq jobasynyń aıasynda 740 myń oqýshyǵa arnalǵan jańa formattaǵy 369 mektep salynady, dep habarlaıdy «Adyrna» ulttyq portaly Qazaqstan Respýblıkasy Premer-Mınıstriniń resmı aqparattyq saıtyna silteme jasap.
Bul týraly QR oqý-aǵartý mınıstri Ǵanı Beısembaev málimdedi.
Mınıstrdiń aıtýynsha, bıyl el boıynsha 137 myń oqýshyǵa arnalǵan 165 mektep paıdalanýǵa berildi. Osylaısha, 12 apatty jaǵdaıdaǵy jáne úsh aýysymda oqytatyn 29 mektep boıynsha másele sheshildi. 210-nan astam mektepte kúrdeli jóndeý jumystary aıaqtaldy.
«Jaıly mektep» ulttyq jobasy aıasynda 461 myń oqýshyǵa arnalǵan 217 mekteptiń qurylysy bastaldy.
Bilim berý ınfraqurylymyn qoldaý qory qurylǵan sátten bastap (jemqorlardan qaıtarylǵan qarajat) arnaıy shotqa 151,9 mlrd teńge túsken. Nátıjesinde, jalpy somasy 96,5 mlrd teńgege 76,7 myń oqýshyǵa arnalǵan 62 mekteptiń qurylysy qarjylandyryldy. Bıylǵy 1 jeltoqsandaǵy jaǵdaı boıynsha 28,6 myń oqýshyǵa arnalǵan 17 mektep paıdalanýǵa berildi.
«Balabaqshaǵa esepke alýdyń biryńǵaı bazasy» ázirlenip, iske asyrylýda. Eki oblysta balabaqshaǵa esepke alý júıesi pılottyq rejımde jumys isteıdi. 2024 jyly tolyq iske qosý josparlanǵan.
Bıylǵy qańtar aıynda muǵalimderdiń jalaqysy taǵy 25%-ǵa ósti. Osylaısha, 4 jyl ishinde muǵalimderdiń jalaqysy 2 ese kóbeıip otyr. Al qyrkúıek aıynan bastap 98 myńǵa jýyq tárbıeshiniń jalaqysy 30%-ǵa artty.
Júıe aıasynda balaǵa arnaıy shot ashylyp, oǵan memleket 60 AEK (5 jastaǵy balalarǵa) mólsherinde bastapqy bilim berý kapıtalyn salady. Onda ata-analardyń erikti jarnalary, 5%-7% mólsherinde jyl saıynǵy memlekettik syılyqaqy jáne ınvestıııalyq tabys qarajaty jınalatyn bolady.
Aıyna 1 AEK mólsherinde eń tómengi jarna salynatyn bolsa, bala 18 jasqa tolǵansha 3,3 mln teńgeden astam qarajat jınalady. Ata-analardyń erikti jarnalary, mysaly, aıyna 3 AEK-ke deıin jetse, 7 mln teńgeden astam qarajat jınaý múmkin bolady.
Sonymen qatar júıe aıasynda halyqtyń áleýmettik osal toptaryn qoldaý sharalary kózdelgen. Grantqa túsken jaǵdaıda talapker jınalǵan qarajatty turǵyn úı satyp alýǵa jumsaı alady.
2023 jyly joǵary jáne joǵary oqý ornynan keıingi bilimi bar kadrlardy daıarlaýǵa 88 myńnan astam grant bólindi, bul 2021 jylmen salystyrǵanda 23%-ǵa artyq. Bul kórsetkish 2019 jyldan bastap turaqty túrde ósip keledi, ol kezde memlekettik tapsyrys kólemi 51 myń grant bolǵan.
1 qyrkúıekten bastap stýdentterdiń shákirtaqysy 20%-ǵa ósip, 41 898 teńgege (pedagogıkalyq ǵylymdar – 67 200 teńgege) jetti, magıstranttar men doktoranttar shákirtaqylary 15%-ǵa ósip, tıisinshe 97 024 jáne 217 500 teńgege kóterildi.
Sondaı-aq bıyl 5,9 myń orynǵa arnalǵan 25 stýdentter jataqhanasy paıdalanýǵa berildi. Jyl sońyna deıin 5 myń oryndyq taǵy 19 jataqhana ashý josparlanyp otyr. Jalpy barlyq kózder esebinen 2028 jylǵa deıin 55,5 myń oryn paıdalanýǵa beriletin bolady.
«Adyrna» ulttyq portaly
