S. Muqanov pen Ǵ. Músirepov ádebı- memorıaldy mýzeı kesheniniń ǵylymı qyzmetkeri, men, Janar Taeva 2023 jyldyń 4-10 jeltoqsan aralyǵynda Parıj qalasynda ótken biliktilikti arttyrý kýrsynan óttim. Shet el asyp jasaǵan alǵash is saparym bolǵandyqtan alǵan áser men keshken kúıim tym bólek boldy. Parıj – armandar men pák sezimder mekeni…
Qushaq toly armannyń jeteginde jas kúnimde ózim qatty qalap armandaǵan mahabbat qalama jumys babymen kelýdiń sáti túsipti. Mádenıeti ozyq damyǵan bul qaladan shabyt aldym, óz elimizdiń týrızm salasynyń damýyna da kerekti argýmentterdi sanama saqtap, qoıyń dápterime túrtip otyrdym.
Ylǵaldy aýa men jańbyrdan keıingi balǵyn ıis býymen boıymyz jigerlenip kýrs ótetin belgilengen meken-jaıǵa jol tarttyq. Spıker Annabel Lovreı el mádenıetimen, ejelgi eskertkishterimen tanystyryp, jyly shyraı tanytyp qonaqjaılyq kórsetti.
Birinshi kúngi lekııanyń taqyryby «Mýzeılerge kelýshilerdi tartýdyń ıntegraııalanǵan tásili» boldy. Qalǵan kúnderi mýzeı isin alǵa jyljytý sharalary men ıntegraııalanǵan ınnovaııalyq jobalarmen tanystyryp, ozyq programmalarymen bólisti.
Árıne, Franııa men Qazaqstan mádenıetin, ekonomıkasyn salystyrý mıǵa qonymsyz, dese de bizdiń mentalıtet pen dástúrimizge saı keletin keıbir kreatıvti jobalaryn biz de jasap kórsek qup bolady. Máselen, Lývr mýzeıinen jasaǵan saparymyzdan sondaı áserlenip qaıttym. Ondaǵy mýltımedıalyq, akýstıkalyq qurylǵylardyń sondaı damyǵandyǵy ári ony mýzeımen ádemi úılestirip, kelýshilerin áserlendire bilgenderi sondaı qyzyqtyrdy. Sábıt Muqanov mýzeı-úıiniń memorıaldy bólimine sondaı ozyq ıdeıany men de usynyp kórdim.
Mysaly, jazýshynyń jumys kabınetinde proekııaly ekran arqyly avtordyń kóleńkesi túsip tursa, ári dybyspen jazýshy shyǵarmalarymen úzindiler oqylyp tursa, ár kelgen kelýshi áserlenbeı ketpesi anyq.
Franýz halqynyń sondaı kreavtıvtiliginiń taǵy qýantqan tusy ortaǵasyrlyq ejelgi qıraǵan ǵımarattaryn belgili programmalar arqyly nobaıyn syzyp, eski-jańa beınesin kóz aldyna keltirýi de qoshtaıtyn tyń ıdeıa.
Bizdiń baıtaq dalamyzdyń da tarıhy men shejiresi mol. Ejelgi eski qalalarymyzdyń Syǵanaq, Saıram, Sýıabtardyń nobaıyn syzatyn sondaı programma bizdiń de elimizde bolsa ǵoı dep qyzyǵa da qyzǵana qaraısyń. Is-saparymyzdyń sońǵy kúnderinde Lývr mýzeıi men Eıfel munarasynda qonaq boldyq.
Sáýletti qalanyń árbir músinderi men kóz tartar bıik ǵımarattary, qıylysty qýys kósheleri, qarbalas ómir tirshiligi kóz aldymda Pıkassonyń shytyrman kartınalaryndaı saqtalyp qaldy. Parıj qalasy men úshin mýzeımen assoıaııalanady. Dúnıejúzilik mýzeı isi dese eń aldymen kóz aldyma gúldengen qala Parıj keledi.
Shet elge kelgen ádepki týrıstterdiń biri retinde men de ózim qonystanǵan qonaq úıime tól teńgemizdi jastyq astyna tastap kettim. Bul sondaı kelýshilerdiń salty desedi, keler jyly taǵy da jol tússin degen nıetpen jasalynatyn jolaıaq nyshan ǵana. Osymen Parıjge jasaǵan jolaýshy sapary jemisti aıaqtaldy.
Janar TAEVA,
S.Muqanov pen Ǵ.Músirepovtiń
ádebı-memorıaldyq mýzeı kesheniniń ǵylymı qyzmetkeri
