Búgin — qazaqtan shyqqan alǵashqy ǵylym kandıdaty, Alash qaıratkeri, Alashorda úkimetiniń múshesi, 1-2 Memlekettik Dýmalardyń depýtaty Baqtygereı Qulmanovtyń týǵan kúni, dep habarlaıdy «Adyrna» tilshisi.
Kórnekti tulǵa 1859 jyldyń 22 jeltoqsanynda qazirgi Atyraý oblysynyń Qurmanǵazy aýdanynda dúnıege kelgen. 1872 – 1881 jyldary Orynbordaǵy er balalar gımnazııasynda oqyp, ony kúmis medalmen támamdaǵan.
1881 jyly Sankt-Peterbýrg ýnıversıtetiniń zań fakýltetine oqýǵa túsken. Bul fakýltette 1883 jyldyń jeltoqsanyna deıin 1-kýrsta qatarynan 3 jyl oqıdy. Bir tańǵalarlyǵy, Qulmanov 1-shi kýrsqa óz ótinishimen qala bergen. Úshinshi jyly taǵy qalýǵa ýnıversıtet basshylyǵy ruqsat bermegendikten, ol 1884 jyldyń qańtarynan bastap ýnıversıtettiń Shyǵys tilderi fakýltetine aýysady da, 1889 jyly 9 naýryzda №877 dıplom alyp shyǵady.
Arab, parsy, osman, tatar tilderi jáne orys sózdiginen óte jaqsy baǵa alyp, ýnıversıtet keńesiniń 1888 jylǵy 17 qyrkúıektegi uıǵarymymen ǵylym kandıdaty dárejesine laıyq dep baǵalanady.
Baqtygereı Qulmanov 1906-1907 jyldary I Memlekettik jáne II Memlekettik Dýmalarǵa Ishki orda qazaqtarynan depýtat bolyp saılanyp, musylman frakııasyn basqarǵan. 1917 jylǵy sáýirdiń 23-nen jeltoqsannyń 2-ne deıin Bókeı ordasyndaǵy ýaqytsha úkimettiń komıssary boldy.
Al 1917 jyly 5-13 jeltoqsanda ótken Jalpyqazaqtyq sezge ol arnaıy shaqyrylyp, sez prezıdýmynyń tóraǵasy boldy. Sezde Alashorda úkimetiniń músheligine saılandy. Alashorda úkimetiniń tóraǵasynyń ornyna Álıhan Bókeıhanov, A.Turlybaev pen birge B.Qulmanovtyń da túsýi de kóp jaıtty ańǵartady.
Osy sezden keıin ol eline qaıtyp, artynan súzek aýrýynan 1919 jyly Jańaqalada qaıtys boldy.
