Reseı Syrtqy ister mınıstrliginiń resmı ókili Marııa Zaharova jazýshy, «Ádiletti Reseı – Shyndyq úshin» partııasynyń teń tóraǵasy Zahar Prılepınniń málimdemesine baılanysty pikir bildirdi, dep habarlaıdy «Adyrna» tilshisi.
«Reseı men Ózbekstandy jan-jaqty strategııalyq seriktestik pen odaqtastyq qatynastar baılanystyrady. Bul jaı ǵana jaqsy sóz emes. Ózara baılanystyń órkendep kele jatqanyn Ózbekstan prezıdenti Shavkat Mırzııoevtiń qazan aıynda elimizge jasaǵan resmı sapary kezinde alǵan áserli nátıjeleri men Keńes otyrysynda ornaǵan eki el basshysynyń arasyndaǵy jyly atmosfera dáleldeıdi.
Biz 2004 jylǵy 16 maýsymdaǵy strategııalyq seriktestik jáne 2005 jylǵy 14 qarashadaǵy odaqtastyq qatynastar týraly kelisimderge tolyqtaı beıildimiz. Ózara mindettemelerge sáıkes, bizdiń yntymaqtastyǵymyz egemendikti qurmetteý men dostyq negizinde qurylady»,—dedi ol.
Aıtýynsha, Reseı men Ortalyq Azııany ortaq tarıh, tyǵyz adamı jáne mádenı baılanystar, saýda-ekonomıkalyq jáne tikeleı ekonomıkalyq baılanystar biriktiredi.
«Biz bir-birimizge kómektesýge árqashan daıynbyz. Bul birneshe ret ispen rastalǵan. Máselen, koronavırýstyq pandemııa kezindegi ózara qoldaý, zardap shekken aımaqtardyń turǵyndaryna gýmanıtarlyq kómek, Ortalyq Azııadaǵy qalyptan tys sýyq kezde reseılik energetıkalyq resýrstardy jetkizý.
Kóshi-qon taqyrybyna qatysty reseılik tarap shetelden, birinshi kezekte dos elderden eńbek resýrstaryn tartý bizdiń memlekettiń de, mundaı qyzmetterdi eksporttaıtyn elderdiń de múddelerine sáıkes keletinin birneshe ret atap ótti. Qazirgi ýaqytta kóshi-qon ózara tıimdi etý maqsatynda normatıvtik-quqyqtyq, uıymdastyrýshylyq, aqparattyq jáne basqa da sharalardyń tutas kesheni boıynsha jumys júrgizilýde. Prılepınniń málimdemeleri onyń jeke pikiri ekeni anyq, bul tipti Reseı Federaııasynyń resmı ustanymyn alystan kórsetpeıdi»,—dep tolyqtyrdy Marııa Zaharova.
