Almaty qalalyq Densaýlyq saqtaý departamentiniń baspasóz qyzmeti avtobýstyń jaıaý júrginshilerdi qaǵýy saldarynan túrli dene jaraqattaryn alǵan júrgizýshi men zardap shekkenderdiń jaǵdaıy týraly qosymsha aqparat berdi, dep habarlaıdy «Adyrna» ulttyq portaly.
Zardap shekkender men júrgizýshiniń jaǵdaıy:
50 jastaǵy áıel: Birneshe synyqtary bar naýqas jansaqtaý bólimine jatqyzyldy. Naýqastyń jaǵdaıy ártúrli dene jaraqaty pen travmatıkalyq shokqa baılanysty aýyr jaǵdaıda.
55 jastaǵy er adam: Neırohırýrgııa bóliminde jabyq bassúıek-mı jaraqaty dıagnozymen aýrýhanaǵa jatqyzyldy.
36 jastaǵy avtobýs júrgizýshisi: jabyq bassúıek-mı jaraqatymen jáne jeńil bas mıynyń kontýzııasymen neırohırýrgııa bólimshesine jatqyzyldy. Sondaı-aq kishkentaı bala №2 qalalyq klınıkalyq balalar aýrýhanasynda qaralyp, dıagnoz qoıyldy: sol jaq tize býynynyń jumsaq tinderiniń kontýzııasy. Gıps salynyp, ambýlatorlyq emdeýge jiberildi.
Sonymen qatar, barlyq zardap shekkenderge medıınalyq kómektiń tolyq kesheni kórsetilgeni, mamandandyrylǵan bólimsheler qajetti kómek pen emdeýdi kórsetýge daıyn ekeni atap ótildi.
Eske salaıyq, oqıǵa keshe, 22 jeltoqsanda Almaty qalasynda boldy. Apat saldarynan 3 adam qaza tapqanyn habarlaǵan bolatynbyz.
«Adyrna» ulttyq portaly
