Akter Leonardo Di Kaprio Qazaqstan ükımetın kiıkterdıŋ köbeiuımen qūttyqtady - Ol būdan bylai kiıkter qazır joiylyp ketu qaupı bar januarlar sanatyna jatpaitynyn aitty. Būl turaly akter äleumettık jelıdegı paraqşasynda jazdy, dep habarlaidy “Adyrna” ūlttyq portaly.
Leonardo Di Kaprio kiıkter Halyqaralyq tabiǧatty qorǧau odaǧynyŋ (IUCN) Qyzyl tızımındegı "joiylyp ketu qaupı töngen januarlar" sanatynan "qaterlı jaǧdaiǧa jaqyn" sanatyna auysqanyn eske saldy.
«Būl būryn-soŋdy bolmaǧan jaǧdai Qazaqstandaǧy aqböken populiasiiasynyŋ keremet saqtaluyn körsetedı. 2005 jyly būl türdıŋ sany nebärı 48 000 boldy, al qazır ol jabaiy tabiǧatta 1,9 millionnan asatyn körsetkışke jettı. Brakonerlıkke qarsy küres bastamalaryna, qūqyqtyq tärtıptı nyǧaituǧa jäne jaŋa qorǧalatyn aumaqtardy qūruǧa qomaqty qarajat salǧan Qazaqstan ükımetın qūttyqtaimyz. Olardyŋ tabiǧatty qorǧau ūiymdarymen, universitettermen jäne ǧalymdarmen yntymaqtastyǧy – bırlesken küş-jıgerdıŋ arqasynda qol jetkızılgen tabiǧatty qorǧau ısındegı şynaiy tabystyŋ jarqyn mysaly», - delıngen Di Kaprionyŋ Instagram-daǧy paraqşasynda.
Būǧan deiın Ekologiia ministrlıgı Halyqaralyq qorǧau odaǧy kiıkter qazır joiylyp ketu qaupı töngen januarlar sanatyna jatpaitynyn habarlaǧan bolatyn.
Aita ketsek, World Wide Fund for Nature resmi saitynda akter Leonardo Di Kaprio qorşaǧan ortany qorǧauşy jäne mesenat retınde jazylǧan. 1998 jyly ol bızdıŋ planetamyzdyŋ tūraqty bolaşaǧyn qamtamasyz etuge baǧyttalǧan ūiymdar men bastamalardy qoldau üşın öz qoryn qūrǧan.
WWF-ten bölek Leonardo osy mäselelermen ainalysatyn bırneşe ūiymnyŋ keŋesınde, sonyŋ ışınde tabiǧi resurstardy qorǧau keŋesı (NRDC), Global Green USA jäne Halyqaralyq januarlardy qorǧau qory (IFAW) basqarma qūramynda bar. Keiıngı 12 jyl ışınde Leonardo negızgı mäselelerge jūrtşylyqtyŋ nazaryn audaru boiynşa strategiialyq jūmys jürgızıp keledı.
