«Qytaidyŋ aimaqtaǧy sauda-sattyǧy men salǧan investisiiasynyŋ teŋ jartysy Qazaqstannyŋ ülesıne tiesılı»

1877
Adyrna.kz Telegram
https://adyrna.kz/content/uploads/2024/03/01fc961f-3e6a-45da-8bef-55a18baf13ba.jpeg

Memleket basşysy Qasym-Jomart Toqaev Boao Aziia forumynyŋ plenarlyq sessiiasynda söz söiledı, dep habarlaidy “Adyrna” ūlttyq portaly.

Qasym-Jomart Toqaev jyl saiyn Qytaidyŋ Hainan provinsiiasynda ötetın Boao Aziia forumynyŋ plenarlyq sessiiasynyŋ aşylu räsımıne qatysty.

Prezident atalǧan forumda qūrmettı qonaq retınde söz söiledı.

Ol jiyn qatysuşylaryna ıltipat bıldıre otyryp, qūbylmaly geosaiasi ahual men ekonomikalyq qiynşylyqtyŋ saldarynan tuyndaǧan jahandyq tūraqsyzdyq jaǧdaiynda būl platforma dialog pen halyqaralyq yntymaqtastyq ortalyǧy retınde maŋyzdy röl atqaratynyn atap öttı.

Sondai-aq, byltyr Qazaqstan men Qytai arasyndaǧy tauar ainalymy tarihi rekordtyq körsetkışke 41 mlrd AQŞ dollaryna jetkenın aitty.

“Qytaidyŋ aimaqtaǧy sauda-sattyǧy men salǧan investisiiasynyŋ teŋ jartysy Qazaqstannyŋ ülesıne tiesılı. Byltyr Qazaqstan men Qytai arasyndaǧy tauar ainalymy 41 milliard AQŞ dollaryn qūrady. Būl – tarihi rekordtyq körsetkış. 2023 jyly elderımız arasyndaǧy jük tasymalynyŋ kölemı 22 paiyzǧa artyp, şamamen 30 million tonnaǧa jettı. Osydan on jyldan astam uaqyt būryn QHR Töraǧasy Si Szinpin Qazaqstanǧa jasaǧan sapary kezınde "Bır beldeu, bır jol" auqymdy megajobasyn tanystyrǧan bolatyn. Atalǧan joba Şyǧys pen Batys arasyndaǧy negızgı köpır qyzmetın atqarady, al Qytaidan Europaǧa qūrlyq jolymen tasymaldanatyn jüktıŋ 80 paiyzy Qazaqstan aumaǧy arqyly ötedı. Būl maŋyzdy artyqşylyqty bız tolyqqandy paidalanuǧa tiıspız”, – dedı Qasym-Jomart Toqaev.

Prezident öz sözınde elımızdıŋ jaŋa ekonomikalyq baǧytyna airyqşa nazar audardy.

«Byltyr elımızdıŋ ekonomikalyq ösımı 5,1 paiyzdy qūrady. Būl älemdık ekonomikanyŋ boljamdy damu qarqynynan şamamen ekı ese köp. Bız ortamerzımdı perspektivada ekonomikanyŋ ösımın kemınde 6 paiyz deŋgeiınde ūstap tūrudy jäne 2029 jylǧa qarai onyŋ kölemın ekı ese ūlǧaitudy josparlap otyrmyz. Osy maqsatqa qol jetkızu üşın men jaŋa ekonomikalyq baǧytty jariialadym. Būl bastama küştı ärı qarqyndy damyǧan memleket qūruǧa baǧyttalǧan qūrylymdyq reformalardy jüzege asyrudy közdeidı. Qazaqstandaǧy aşyq esık saiasaty, mol resurstar jäne liberaldy naryqtyq reformalar köptegen şeteldık, sonyŋ ışınde qytailyq kompaniialardyŋ da nazaryn audardy. Osy oraida bız aziialyq serıktesterımızdı ekonomikamyzǧa investisiia qūiuǧa, özara tiımdı yntymaqtastyqtyŋ jaŋa baǧyttaryn qarastyruǧa şaqyramyz”, – dedı Memleket basşysy.

Pıkırler