Túrkimenstan prezıdenti Serdar Berdimuhamedov óziniń alǵashqy kitabyn shyǵardy. Bul týraly ol 25 jeltoqsanda óńir basshylary men Premer-Mınıstrdiń agroónerkásiptik keshen jónindegi orynbasarynyń qatysýymen ótken jumys keńesinde málim etti, dep habarlaıdy «Adyrna» ulttyq portaly Orient.tm saıtyna silteme jasaı otyryp.
Kitap «Ýaşlar – Watanyň daýanjy» («Jastar – el tiregi») dep atalady, onda túrkimen jastarynyń jeńisteri men jetistikteri baıandalady.
Basylymnyń shyǵýy 27 jeltoqsanda ótetin «Arqadaǵy serdarmen baqytty jastar» jyl qorytyndysyna arnalǵan halyqaralyq ǵylymı-tájirıbelik konferenııa men kórmege oraılastyrylǵan.
Serdar Berdimuhamedov kitaptyń alǵashqy danasyn ákesi, Túrkimenstannyń «Halq Maslahaty» (Halyq keńesi) tóraǵasy, burynǵy prezıdenti Gýrbangýly Berdimuhamedovke joldady.
«Men bul kitaptyń alǵashqy danasyn túrikmen halqynyń ulttyq kóshbasshysy Batyr Arkadagqa syılyq retinde jiberip otyrmyn», - dep keltiredi Túrkmenportal prezıdenttiń sózin.
Eske salaıyq, Gýrbangýly Berdimuhamedov 16 jyl ishinde óz atymen túrli taqyrypta 60-qa jýyq kitap shyǵarǵan. Onyń ishinde medıına, fılosofııa, mádenıet, rýhanııat, alabaı ıtteri, ahalteke jylqylary, sport taqyryptaryna arnalǵan eńbekter jáne Arqadaǵy ata-babalaryna arnalǵan birqatar romandar (meenat; Berdimuhamedov osy ataýdy resmı túrde alady) bar.
«Adyrna» ulttyq portaly
