Panamadaǵy Dúnıejúzilik robototehnıka olımpıadasyndaǵy jetistikterinen shabyttanǵan astanalyq «Robotek» mektebiniń oqýshylary jańa tanymal joba – avtonomdy kóliktiń úlgisin jasady.
Panama qalasynan oralǵan soń «Álemdi baılanystyramyz» strategııasy men WRO-2023 jahandyq jetistikterinen shabyttanǵan «Robotek» oqýshylary jańa jobamen jumys isteı bastady. Bul shynaıy ýaqytta ońtaıly qozǵalys traektorııasyn ózdiginen qurastyratyn mashınanyń oqý úlgisi. Robot qazir «Altel» uıaly baılanys operatory júzege asyryp jatqan 5G – derekterdi berýdiń joǵary jyldamdyqty tehnologııalaryna sáıkes jasalǵan.
Jańa jyl qarsańynda quramynda Batyrhan Báıterekov, Marat Kazkenov, Vagız Dısembaev, Janarys Kaparov, Ańsar Saýyrbaev bar elimizge jáne álemge tanymal, tabysty ujym jumysyn qorytyndylady.
– Bizdiń kólik joldyń naqty jaǵdaıyna jaqyn, arnaıy synaq alańyndaǵy jarystarǵa arnalǵan. Robot avtonomdy, keskin 5G arqyly beriledi», – dep atap ótti jobanyń ǵylymı jetekshisi Vladımır Ýsolev.
2023 jyly Dúnıejúzilik robototehnıka olımpıadasynyń «Álemdi baılanystyramyz» taqyryby ıfrlyq tehnologııalardyń ınfraqurylymy men logıstıkasyna arnalǵanynyń sımvoldyq máni bar.
– Búgingi kúni «Robotek» birneshe baǵytta jumys isteıdi, sonyń ishinde tájirıbelik zerthana retinde, naqty iske asyrýǵa baǵyttalǵan tanymal jobalar jasalady. Digital-baǵyttyń qarqyndy damýy mindetti túrde ıfrlyq tehnologııalardyń ınfraqurylymy men logıstıkasynyń tıisti deńgeıin, ınjenerlik sheshimderdiń kreatıvtiligi men tıimdiligin talap etedi. Bul keń-baıtaq aýmaǵy bar elimizde bul óte ózekti, – dep atap ótti «Robotek» bas dırektory Sanjar Shalqarbekov.
«Connecting the World» taqyryby 2024 jyly halyqaralyq deńgeıge shyǵýdy josparlap otyrǵan bedeldi Robotek Grand Tournament sharasynda basty taqyryptardyń biri retinde josparlanǵan. AQSh, Túrkııa, Ázirbaıjan, Ózbekstan, Qyrǵyzstan jáne basqa da elderdiń jas robototehnıkteri Astanaǵa kelýge daıyn ekendikterin rastady.
