Sätbaev qalasynyŋ soty Ukraina äskerıne qarsy soǧysqan qazaqstandyqty 6 jylǧa bas bostandyǧynan aiyrdy, dep habarlaidy «Adyrna» tılşısı press.kz-ke sılteme jasap.
Tergeuşılerdıŋ mälımetınşe, Leonid G. 2014-2015 jyldary Ukraina äskerıne qarsy Donbass jasaqtarynyŋ qūramynda qaruly qaqtyǧysqa qatysqan.
Qylmystyq ıs materialdaryna säikes, er adam 1998 jyly Qazaqstannan Beloruske köşıp, Gomel oblysyna qonystanǧan. 2014 jyly Ukrainaǧa baryp, Donbass jasaqtarynyŋ qataryna qosylǧan. Ol şeteldık diversiialyq-barlau tobynda snaiper qyzmetın atqarǧan.
BAQ qazaqstandyqtyŋ şaiqasta basynan kontuziia alǧan soŋ Belaruske oralǧanyn jazady.
«Būl jerde ol qūqyq qorǧau organdarynyŋ nazaryn audardy. Tıntu jūmystarynyŋ nätijesınde üiınen ärtürlı kalibrlı patrondar men jarylǧyş zattar tabyldy. Oq-därılerdı zaŋsyz satyp alǧany jäne alyp jürgenı üşın sottalǧan Leonid G. jazasyn ötegennen keiın öz elıne jer audaryldy»,—delıngen habarlamada.Qazaqstanda da ol şeteldık qaruly qaqtyǧystarǧa qatysu baby boiynşa qylmystyq jauapkerşılıkke tartyldy. Er adam öz kınäsın moiyndamaǧan. Alaida kuägerler aiyptaluşynyŋ äskeri erlıkterımen maqtanǧanyn rastap, tıptı onyŋ Ukrainaǧa taǧy da jaldamaly retınde äskeri qaqtyǧystarǧa qatysuǧa baratynyn aitqan. Eske salaiyq, būǧan deiın «Vagner» qūramynda soǧysqan qazaqstandyq Aleksei Şompolov alty jyl segız aiǧa sottalǧan edı.
Ūqsas jaŋalyqtar
