kris_p_talgar paraqşasynda jariialanǧan videoda Almaty oblysyndaǧy Talǧar qalasymen şektesetın Keŋdala auylynyŋ jaŋa bas jospar mäselesı talqylanǧan qoǧamdyq tyŋdaudyŋ soŋy «zaŋsyzdyqqa» ūlasty, dep habarlaidy "Adyrna" ūlttyq portaly.
Videoda jergılıktı bilık Keŋdala auyldyq okrugındegı saiajailarǧa auyl märtebesın bergısı keletını, sondyqtan tūrǧyndarǧa jaŋa bas jospar ūsynǧany aitylǧan. Alaida, üilerı sürıletın tūrǧyndar ötemaqy mölşerın naqty aitpaǧandyqtan, mūnymen kelıspeidı. Būl mäsele talqylanǧan bırınşı tyŋdau emes ekenı habarlandy. Bıraq būl joly şarany ūiymdastyruşylar «dauys berudı kädımgı taza paraqtarda ötkızuge şeşım qabyldady». Bölmedegı kez kelgen adam dauys bere alady. Al mūndai maŋyzdy kezdesu turaly olarǧa bır kün būryn ǧana habarlanǧan. Beinejazba avtorlary kezdesude saiajailarǧa eş qatysy joq adamdar jinalǧanyn alǧa tartady. Al keibır jeke tūlǧalardyŋ äreketı arandatuşylyq dep atalady. "Adamdar keldı, olardyŋ köpşılıgı saiajai aimaǧyndaǧy jyljymaityn mülıktıŋ iesı emes. Nelıkten olar şeşım qabyldap, qol qoiady? Būl qandai dauys beru? Nelıkten el ükımetınıŋ atynan şyqqan adamdar menşık iesınıŋ qūqyǧyn būzady?" – dep taŋǧaldy kommentatorlardyŋ bırı."Adyrna" ūlttyq portaly
Ūqsas jaŋalyqtar
