Almatylyq aru zorlyq-zombylyq qūrbany bolyp, ädıldık ızdep, araşa sūraidy, - dep habarlaidy “Adyrna” tılşısı. SVET qoǧamdyq qorynyŋ Instagram jelısınde zardap şekken qyzdyŋ video habarlamasy paida boldy. Onyŋ aituynşa, özıne belgısız sebeptermen zorlau ısıne qatysty tergeu jūmystary keşıktırılıp jatyr.
Jäbırlenuşınıŋ esımı Elina, ol 22 jasta. Ony bır tanysy zorlap ketken. Onyŋ aituynşa, ol 2023 jyldyŋ 9 nauryzyna qaraǧan tünı dostarymen barda demalyp otyryp, älgı tanysyn kezdestırıp qalǧan.
«Alys bır tanysym qasyma kelıp, bırneşe ret äŋgıme qozǧamaq bolyp, alkogoldık kokteilmen syilaǧandai boldy da, sodan keiın men özımdı qatty mas sezındım. Qūrbym ekeumız üige qaituǧa daiyndalyp jatqanda, küdıktı jetkızıp tastauǧa ūsynys jasady. Joldy üş meken-jaiǧa bölıp taksi şaqyrtty jäne menıŋ mas ärı därmensız küide qalǧanymdy paidalanyp, maǧan bıldırmei taksidıŋ meken-jaiyn auystyryp öz üiıne äketıp qalǧan», - deidı boijetken özınıŋ video habarlamasynda.
Zorlau ısı küdıktınıŋ päterınde bolǧan.
«Men es-tüssız küide boldym, bıraq men arasynda es jiyp, qarsylyq körsetuge tyrystym, bıraq nätije bolmady. Kelesı künı taŋerteŋ oiandym. Beitanys jabyq päter, jalǧyz özım ǧana. Bıraz uaqyttan keiın men qūrbylaryma habarlastym, olar menı tezırek ol jerden şyǧaruǧa tyrysty», - dep eske alady Elina.
Boijetken qūqyq qorǧau organdaryna habarlasqan. Ol aryz jazyp, qylmystyq ıs qozǧaldy. 288 kündık tergeuden keiın polisiia ıstı prokuraturaǧa jıberdı.
«Alaida prokuror sol tünı menı aidaǧan taksi jürgızuşılerınen jauap alu üşın ıstı qosymşa tergeuge jıberudı ūiǧardy. Iаǧni, 288 künnen keiın olar kün saiyn köp adam tasymaldaityn taksi jürgızuşılerınen jauap alǧysy keledı. Tıkelei aiǧaqtardyŋ boluyna qaramastan, iaǧni ekı ret sot medisinalyq saraptamasynyŋ qorytyndysy boiynşa: sannyŋ ışkı bölıgınde jäne denedegı qarsylyq tanytu kezınde paida bolǧan kögergen ızder men ış kiımdegı küdıktınıŋ ūryǧy. Soǧan säikes, osynyŋ barlyǧynan keiın mende bırqatar sūraqtar tuyndaidy: prokuratura qandai maqsatpen ıstı sotqa jıbermeidı? Barlyq qajettı tıkelei dälelder bar bolsa, ony qosymşa tergeuge jıberu kerek pe?» – deidı jäbırlenuşı.
"Zorlyq-zombylyq bolǧannan berı 310 kün öttı. Men barlyq tıkelei dälelderge ie bola otyryp, ıstı sotqa jıberudı talap etemın. Men ädılettılıktı talap etemın. Men zorlyq-zombylyqtan aman qalǧan ärbır äiel qorǧalatynyn däleldegım keledı», - dep tüiındedı Elina.
Almaty qalalyq IID būl derek boiynşa Medeu audandyq polisiia bölımı sotqa deiıngı tergeu jürgızıp jatqanyn habarlady.
«Is jürgızu aiasynda qajettı saraptamalar taǧaiyndaldy, qazırgı uaqytta qylmystyq ıs boiynşa ıstıŋ obektivtı män-jailaryn anyqtauǧa baǧyttalǧan jedel-ızdestıru şaralary jürgızılude», - dep habarlady qalalyq polisiia departamentınıŋ baspasöz qyzmetı.
