AQŞ pen Ūlybritaniia Iemendegı husitterge qarsy soqqy jasady

2226
Adyrna.kz Telegram
https://adyrna.kz/content/uploads/2024/01/img_8214.jpeg
AQŞ pen Ūlybritaniia Iemennıŋ soltüstıgınde bilık etetın «Ansar Allah» qozǧalysynyŋ (husitterdıŋ) äskeri nysandaryna soqqy jasady, dep habarlaidy «Adyrna» tılşısı Reuters-ke sılteme jasap.
«AQŞ pen Ūlybritaniia qozǧalystyŋ Qyzyl teŋızdegı kemelerge şabuylyna jauap retınde Iemendegı husitterdıŋ äskeri nysandaryna äueden jäne teŋızden soqqy berdı»,- delıngen habarlamada.
Onyŋ saldarynan Sana halyqaralyq äuejaiy amerikandyq-britandyq koalisiianyŋ jappai bombalauyna ūşyrady. Būdan bölek El-Hodeida, Saada jäne Damar provinsiialaryna da şabuyl jasaldy. Husitter tobynyŋ basşysy Abdulkader äl-Mortada būl jaǧdaiǧa qatysty mälımdeme jasady. «Amerikalyqtar men britandyqtardyŋ qoqan-loqqysy bızdı qorqytqan joq. Tıptı qorqytpaidy da. Bolyp jatqan jaǧdai bızdı Gazadaǧy bauyrlarymyzdy qoldau mındetımızden bas tartuǧa mäjbürlemeidı»,—dedı ol. Aita keteiık, Iemennıŋ basym bölıgın basyp alǧan husitter HAMAS-qa (keibır elde terroristık ūiym dep tanylǧan — red.) qoldau körsetu üşın aimaqtaǧy keme joldaryna şabuyl jasaǧan edı. Olardyŋ äreketı Europa men Aziia arasyndaǧy maŋyzdy sauda baǧyttaryn būzyp, türlı keme kompaniialarynyŋ aimaqtaǧy jūmysynyŋ toqtauyna sebep boldy.
Pıkırler