Astanada jıhaz ehynda iri órt boldy, dep habarlaıdy "Adyrna" ulttyq portaly Tótenshe jaǵdaılar mınıstrliginiń baspasóz qyzmetine siltep.
«23 qańtarda saǵat 21.20-da Astana qalalyq TJD órt sóndirý bólimsheleri Dúkenuly kóshesi, 31/11S mekenjaıyndaǵy órt týraly habarlama boıynsha áreket etti. Oqıǵa ornyna jetkende saǵat 21.26-da joǵarylatylǵan razrıad boıynsha jıhaz jasaý ehynda 1200 sharshy metr aýmaqta jıhaz daıyndamalary, plastmassa jáne rezeńke buıymdary janyp jatqany anyqtaldy», - delingen sársenbidegi habarlamada.
Oqıǵa ornynda órt sóndirý shtaby quryldy.
«Órt sóndirýshilerdiń jedel jáne kelisilgen áreketi órttiń jaqyn mańdaǵy ǵımarattarǵa taralýynyń aldyn aldy. Órt sóndirýshiler órtti saǵat 22:40-ta aýyzdyqtap, 23:19-da tolyq sóndirdi. Qurbandar men zardap shekkender joq. Órtti sóndirýge astanalyq tótenshe jaǵdaılar departamentinen 93 adam men 18 birlik tehnıka, sondaı-aq Apattyq medıına ortalyǵynyń qyzmetkerleri jumyldyryldy», - delingen habarlamada.
