Tanymal qazaqstandyq ánshi Qaırat Nurtas "Shymkent qalasynyń qurmetti azamaty" atandy.
Shymkent qalalyq máslıhatynyń kezekten tys 50-sessııasynda shahardyń birneshe turǵynyna mártebeli ataq berý týraly sheshimdi depýtattar biraýyzdan qabyldady. "Qurmetti azamat" atanǵandardyń arasynda Ráshkúl Ospanálıeva, Qaırat Moldaseıitov, Erkin Satqanbaev, Natalıa Romanova, Qaırat Nurtas bar, dep habarlady otyrar.kz portaly.
"Mundaı statýsqa ıe bolǵandar ázirge tek qoǵamdyq kólikterde tegin qatynaıdy jáne arnaıy alleıada esimderi jazylǵan taqtaısha ilinedi", - dep jazdy portal.
Aıta keteıik, "Shymkent qalasynyń qurmetti azamaty" ataǵy jylyna bir ret saltanatty túrde 10 adamǵa tapsyrylady. Mundaı ataq shahardy damytýǵa aıryqsha eńbegi sińgen, memlekettik jáne qoǵamdyq qyzmette jetistigi bar, shyǵarmashylyqta, bızneste, sportta, qaıyrymdylyq sharalarynda belsendilik tanytyp júrgen azamattarǵa beriledi.
Sputnik.
