Mäjılıs deputaty, Respublica partiiasy teŋ töraǧalarynyŋ bırı Dinara Şükıjanova öz erkımen mandatyn tapsyryp, öŋırdegı öndırıspen ainalysatynyn aitty.
«BÄLKIM, DEMOKRATİIаNYŊ BELGISI ŞYǦAR»
Jalpy deputattardyŋ mandatyn öz erkımen tapsyryp ketuı sirek, tosyn jaǧdai. Sondyqtan da Dinara Amanjelqyzyna deputattyq mandatty tapsyryp beruge bıreu itermelegen joq pa dep sūraq qoidyq. Būl sūraqqa eks-deputat «Joq» dep jauap berdı.
– Būl nūsqanyŋ negızsız ekenın bırden aşyp alaiyq. İä, deputat mandatyn öz erkımen tapsyru tosyn äreket boluy mümkın. Bıraq menıŋ şeşımdı qūptaǧany üşın ärıptesterıme alǧysymdy bıldıremın. Deputattar bügın menı öz jūmysymmen ainalysuǧa jıberudı qoldap, dauys berdı. Būl üşın Mäjılıs töraǧasy Erlan Jaqanūlyna alǧysymdy bılderemın. Bälkım, būl «Jaŋa Qazaqstannyŋ», demokratiialyq el boludyŋ belgısı şyǧar. Mysaly, bız partiia ışınde ornymyzdy rotasiia arqyly jaŋartyp, bır orynǧa jabysyp otyrmaimyz dep kelısken bolatynbyz. Mūny bız ıs jüzıne asyryp jatyrmyz, – dedı ol.
Dinara Şükıjanova jas ärı jıgerlı deputat bolǧanymen, memlekettık tıldı bılmeitınımen este qaldy. Qazaq tılındegı sūraqqa orys tılınde jauap bergennen keiın «Amerikalyq diplomat 9 aida qazaq tılın üirenıp aldy. Parlamentte deputat bolǧan 10 aidyŋ ışınde qazaq tılın üirenbegenıŋız ūiat emes pe?» dep sūraq qoidyq. Keibır orys tıldı jurnalister «Negızsız sūraq» dep jauap bermeudı sūraǧanda eks-deputat «Dūrys sūraq» dep qazaq tılınde jauap beruge tyrysty.
– Men sızge qazaqşa aita beremın. Men qazaq tılın de üirendım. Qazır qazaqşa da, orysşa da, aǧylşynşa da söileimın. Sız dūrys aitasyz, Parlamentke kelgende qazaqşa öte qinalyp söiledım. Qazır de menıŋ oiymşa, menıŋ qazaq tılım jaqsy emes. Moiyndaimyn. Bıraq bızdıŋ komitettıŋ otyrystary qazaq tılınde bolady. Sonda mende qazaqşa söiledım. Sonymen sızdıŋ sūraǧyŋyz «Nege qazaq tılınde söilemeisıŋ?» dūrys emes. Iаǧni, men qazaqşa söileimın, – dep jauap berdı kelgenınen keterı tez bolǧan deputat.
«ÄLI ŞEŞILGEN JOQ»
Respublica partiiasynyŋ töraǧasy ärı Mäjılıs deputaty Aidarbek Qojanazarov Dinara Şükıjanovanyŋ deputattyq mandatyna bailanysty partiia ışınde qaişylyq joq ekenın aitty.
– Dinara Şükıjanovamen partiia qūrylmai tūrǧan kezeŋnen jaqyn dospyz jäne būdan keiınde jaqyn aralasamyz. Būl – aramyzda eşqandai qaişylyq bolmaǧanynyŋ belgısı. Ol bızdıŋ partiiamyzdyŋ teŋ töraǧasy jäne Ortalyq keŋestıŋ müşesı bolyp qalady. Bırınşıden, Dinara Şükıjanova özıne qoiylǧan maqsattaryna jettı. Taiauda «Endı men jaŋa joba almai, deputattyq mandatty ötkızıp, basqa kandidattardy engızbeimız be?» degen ūsynyspen şyqty. Ärıptesterımızben bırge aqyldasyp, şynymen de bızdıŋ artymyzdan kele jatqan kandidattardy aldymyzǧa nege şyǧarmaimyz degen oi boldy. Sondai-aq bızdıŋ sailauşylarymyzǧa jäne bızge dauys bermegen adamdarǧa da, bızdıŋ tızımde laiyqty kandidattar bar ekenın körsetu saiasatymyz boldy. Endıgı sailauda köbırek oryn berse, mūndai ainalym bolmai basynan bastap aiaǧyna deiın jūmys ısteitın edık, – dedı ol.
Partiia jetekşısı Dinara Şükıjanovanyŋ ornyna kım deputat bolatynyn aşyq aitpady.
– Qazır men sızge ondai aqparatty bere almaimyn. Sebebı ol basqa kandidattar üşın ädıletsız bolady. Bır aptanyŋ ışınde bız şeşım qabyldaimyz. Kımnıŋ deputat bolatyny älı şeşılgen joq, – dedı ol.
Serık Joldasbai
«Adyrna» ūlttyq portaly
Ūqsas jaŋalyqtar
