QR Parlamentı Mäjılısınıŋ deputaty, «Amanat» partiiasynyŋ müşesı Nikita Şatalov äleumettık jelılerde qazaqstandyq paidalanuşylardyŋ synyna tap bolǧanyn mälımdedı, dep habarlaidy “Adyrna” ūlttyq portaly.
Deputattyŋ aituynşa, būl syn onyŋ etnikalyq tegımen bailanysty.
«Ökınışke qarai, mūndai pıkırlerdıŋ paida boluyn tek menıŋ etnikalyq orys ekendıgımmen bailanystyruǧa tura keledı. Basqa eşqandai sebebı joq», – dedı Şatalov Mäjılıs dälızınde jurnalisterge bergen sūhbatynda.
Deputat özınıŋ barlyq qoǧamdyq jäne syrtqy saiasatqa qatysty mälımdemelerınde Qazaqstannyŋ ūlttyq müddesın bırınşı orynǧa qoiatynyn atap öttı. Sonymen qatar, ol keibır azamattardyŋ aqparatty būrmalap, oǧan tiesılı emes däieksözderdı taratyp jatqanyn aitty.
Aita keteiık, aqpan aiynda Şatalov Telegram-arnasynda Ukraina bilıgın Kaspii qūbyr konsorsiumyna dron arqyly şabuyl jasaǧany üşın synǧa alǧan bolatyn. Ol būl ärekettı Qazaqstannyŋ ekonomikalyq müddelerıne qarsy jasalǧan agressiia dep baǧalap, ukrain tarapyn jauapqa tartu qajettıgın mälımdedı. Onyŋ aituynşa, konsorsium arqyly ötetın mūnaidyŋ 90%-y – Qazaqstanǧa tiesılı.
Būdan bölek, deputat Ukraina prezidentı Vladimir Zelenskiidıŋ AQŞ prezidentı Donald Tramppen Aq üidegı kezdesuıne qatysty da syn aitqan. Onyŋ pıkırınşe, Resei Ukrainanyŋ beibıtşılık ornatu mäselesınde «köp kelısımge keluge daiyn ekenın» bastapqyda-aq körsetken.
Şatalovqa qatysty syn äleumettık jelılerde onyŋ osy mälımdemelerınen keiın küşeigen.
Ūqsas jaŋalyqtar
