Eks-prezident Nūrsūltan Nazarbaevtyŋ ekınşı äielı Äsel Qūrmanbaevaǧa qatysy bar Almaty teatry satylymǧa şyǧaryldy, dep habarlaidy “Adyrna” ūlttyq portaly QazTagqa sılteme jasap.
Belgılı bolǧandai, teatr ökılı teatrdy satu turaly aqparatty rastai nemese joqqa şyǧara almady, sonymen qatar nysandy satuǧa qatysty sūraqqa kım jauap bere alatynyn da aita almady. «Ortalyq Aziia mädeniet pen önerdı qoldau qory» önerge degen qyzyǧuşylyǧyn joǧaltty. Tıptı, josparlanǧan qarjylandyru da toqtatylǧan. Soŋǧy derek boiynşa qazır olarda qataŋ tekseru jürıp jatyr. «Şabyt» universitetındegı «şielenısten» soŋ Aiman Mūsahodjaeva öz erkımen qyzmetınen kettı. Odan soŋ horeografiia akademiiasynda audit jürgızıldı, bıraq şi şyqpady. Qazır Qūrmanbaevanyŋ «basqan ızı» tergelude», – deidı taǧy bır derekközı. Qazır Almaty teatrynyŋ bırınşı direktory – 25 jastaǧy Şalbaev Ersūltan Myrzahanūly. 2023 jyly direktor Şalbaev Almaty teatrynyŋ basşysy Diana Zairovanyŋ ornyn basqan. Keiın Zairova men Qūrmanbaevanyŋ bailanysy bary belgılı boldy. Belgılı bolǧandai, Zairova «Ortalyq Aziia mädeniet pen önerdı qoldau» qoryn basqardy. Al Qūrmanbaeva Zairova negızın qalaǧan «ATBco» JŞS-ın basqarǧan. Al «ATBco» klientterınıŋ qataryna joǧaryda atalǧan Horeografiia akademiiasy kıredı. «Teatr «Halyq bankınıŋ» menşıgındegı jerge Nazarbaevtyŋ küieu balasy Timur Qūlybaevtyŋ özı basqaratyn “Bazis-A” kömegımen salynǧan degen boljam bar. Qyzyǧy, ol qūny 10 million tūratyn teatrdy 50 million dollarǧa baǧalaǧan jäne Nazarbaevqa sol baǧany ūsynǧan degen de derekter aitylady. Joǧaryda aitqandai, 16 qaŋtarda belgılı qazaqstandyq skripkaşy Aiman Mūsahodjaeva Qazaq ūlttyq öner universitetınıŋ rektory qyzmetınen ketıp, universitet basşylyǧy auysty. Sondai-aq Abai atyndaǧy Memlekettık akademiialyq opera jäne balet teatrynda da kadrlyq auysular boluy mümkın. Eske salaiyq, būǧan deiın eks prezident Nūrsūltan Nazarbaev jaryq körgen «Menıŋ ömırım. Bodandyqtan – bostandyqqa» atty kıtabynda ekınşı äielı men odan süigen ekı ūly baryn jazǧan bolatyn.“Adyrna” ūlttyq portaly
Ūqsas jaŋalyqtar
