NASA-nyń Perseverance roveri Marsta ejelgi kól shógindileriniń bar ekenin kórsetetin derekter jınady. Bul týraly Ulttyq aeronavtıka jáne ǵarysh basqarmasynyń (NASA) veb-saıtynda esep jarııalanǵan, dep habarlaıdy “Adyrna” ulttyq portaly.
Jınalǵan derekter, atap aıtqanda, ǵalymdardyń Marstyń keıbir bólikteri bir kezderi sýmen jabylǵan jáne bul planeta mıkrobtar ómirine qoldaý kórsete alady degen boljamyn rastaıdy.
NASA bes jyldyq aýqymdy zertteýden keıin tańdalǵan Perseverance roveriniń qoný orny retinde Djezero kraterin anyqtady.
Ǵalymdar uzaq jyldar boıy bul shuńqyr sýǵa tolyp, ejelgi ózen aǵyp jatqanyn aıtyp keledi.
Roverdiń Djezero kraterin zertteýi ejelgi kól shógindileriniń bar ekenin rastady, bul Marsta ómirdiń bar ekenin rastaýǵa jańa úmit beredi.
Djezero krateri Úlken Syrt (shyǵysynda) men Isıs jazyǵynyń (batys jaǵynan) shekarasynda ornalasqan. Kraterdiń dıametri - 45 km.
