«Ūlttyq qordan-balalarǧa» baǧdarlamasy boiynşa alǧaşqy tölemder qazaqstandyq büldırşınderge tüse bastady, - dep habarlaidy “Adyrna” ūlttyq portaly.
Baǧdarlamaǧa qatysqan balalardyŋ arnaiy şottaryna 100,52 dollardan tüstı.
Balanyŋ JSN-ın säikes bölımge engızu arqyly kids.enpf.kz saityndaǧy balalardyŋ şottarynda qarajattyŋ bar-joǧyn tekseruge bolady.
2006 jyly jäne odan keiın tuylǧan Qazaqstan azamattarynyŋ barlyq balalaryna jyl saiyn Qazaqstan Ūlttyq qorynyŋ investisiialyq tabysynyŋ 50 paiyzy audarylatyn bolady.
Ötken jyldary balalarǧa eseptelgen somalar Ūlttyq qor aktivterınıŋ qūramyna investisiialaudy jalǧastyrady. Nätijesınde olarǧa qosymşa investisiialyq tabys esepteletın bolady.
Balalar 18 jasqa tolǧanǧa deiın nysanaly talaptarǧa säikes şottan qarajatty merzımınen būryn ala almaidy. Balalar 18 jasqa tolǧan jyly qarajattar nysanaly jinaqtau şotyna audarylady. Keiın kämeletke tolǧannan keiın jinaqtar ekı maqsatqa - tūrǧyn üi jaǧdailaryn jaqsartuǧa jäne bılım aluǧa aqy töleuge paidalanuǧa berıledı.
